Fjalori

Rezultate në përkufizime për “nxirje”

Mëso si ta përdorësh
<<< Kthehu te kërkimi kryesor në fjalor

BRONZIM

BRONZÍM,~I m. 1. mek. Veprimi kur bronzoj diçka; veshje me bronz e sipërfaqes së diçkaje; lyerje e sipërfaqes së një sendi me pluhur bronzi të përzier me lëndë ngjitëse. Bronzimi i metaleve (i statujës, i medaljeve). Procesi i bronzimit.
2. fig. Nxirje e lëkurës së trupit me banja dielli.

BËZHIGIM

BËZHIGÍM,~I m., krahin. Veprimi kur bëzhigoj diçka a kur bëzhigohem; nxirje me blozë a thëngjill.

DENIGRIM

DENIGRÍM,~I m. sh. ~E, ~ET libr. Veprimi kur denigroj dikë a diçka a kur denigrohem; errësim, zvogëlim a ulje me qëllim e vlerave të dikujt a të diçkaje; nxirje, sharje e rëndë. Denigrimi i njerëzve (i drejtuesve). Denigrimi i parimeve (i vlerave). Denigrimi i sukseseve. Denigrim hakmarrës (amoral).
✱Sin.: zhvlerësim, zhvleftësim, ulje, njollosje, poshtërim, nxirosje, nxirim.

IRNOSJE

IRNÓSJ/E,~A f. 1. Veprimi kur irnos ose kur irnosem.
2. Murrëtim a nxirje e rrobës nga të palarët. Irnosje e rrobave.
3. Murrëtim a mavijosje nga të ftohtët. Irnosje nga të ftohtët.
4. Murrëtim nga inati a nga zemërimi
✱Sin.: irnim, irmë, irnë.

MAVIJOSJE

MAVIJÓSJ/E,~A f. sh. ~E, ~ET Të bërët mavi; murrëtim; nxirje. Goditjet janë arsyet kryesore për mavijosjet. Ajo u kthye në shtëpi me mavijosje.
✱Sin.: murrëtim, nxirje.

MURRËTIM

MURRËTÍM,~I m. 1. Marrje e një ngjyre të errët si në të murrme. Murrëtimi i dheut. Murrëtimi i shkretëtirës babilonase.
2. fig. Nxirje në fytyrë, zymtim. Nuk e kuptoj murrëtimin dhe inatin që ka.
3. fig. Gjendje e zymtë, situatë pa shpresë. Disa ishin strehuar te miqtë në vise pa pushtim dhe murrëtimin e kohës e ndjenin më tepër ata pak banorë shpresëpakët.

NGJIROSJE

NGJIRÓSJ/E,~A f. Nxirje dhe bllokim nga bloza (për tubin e sobës, oxhakun etj.).

NJOLLOSJE

NJOLLÓSJ/E,~A f. 1. Veprimi kur njollos diçka a dikë ose kur njollosesh. Njollosja e rrobave. Njollosja e emrit. Njollosja e imazhit.
2. Gjendja kur njollos diçka a dikë ose kur njollosesh.
3. bujq. Sëmundje bimësh, që shfaqet me njolla në gjethet e në pjesët e gjelbra. Njollosja pikalore. Njollosja e kuqe. Njollosja kafe. Njollosja e fikut. Njollosja e bizeles.
4. Vendosja e njollave ose e shenjave mbi një bimë. Njollosja e pemëve që duhen prerë.
✱Sin.: përlyerje, lerosje, zhyerje, llackosje, ndyrje, ndotje, fëlliqje, vrugim, vrugie, balosje, përdhosje, nxirje.

NXIRIM

NXIRÍM,~I m. Nxirje.

NXIROSJE

NXIRÓSJ/E,~A f. Veprimi dhe rrjedhimi kur nxiros ose kur nxirosëm; nxirje.

PISOSJE

PISÓSJ/E,~A f. 1. Veprimi kur pisos diçka me zift ose kur pisoset.
2. Sharje e nxirje e dikujt pas krahëve.

PËRNXIRJE

PËRNXÍRJ/E,~A f. sh. ~E, ~ET 1. Veprimi kur përnxij ose kur përnxihem.
2. Shkrumbim, djegie, shkretim.
3. fig. Zymtim i skajshëm.
4. fig. Nxirje, torturim.

SHKARRAVINË

SHKARRAVÍN/Ë,~A f. sh. ~A, ~AT 1. Fjalë e shkruar keq, me shkronja të shtrembra e të palexueshme, shkarravitje; shkrabë. Shkarravina të palexueshme. Ke shkruar gjithë shkarravina! Ka bërë vetëm shkarravina. Shkarravina fëmijësh.
2. Vizatim i bërë keq, pa art. - Sipas jush, kjo shkarravinë përfaqëson portretin tim? Ç’është kjo shkarravinë! Çdo shkarravinë në letër nuk është art.
3. fig., mospërf. Krijim letrar a shkrim pa vlerë. Mos lexo shkarravina! I kishte mbuluar pluhuri ato shkarravina pa vlerë. Këto shkarravina i shkruaj edhe unë!
4. fig. Diçka e bërë keq, që nuk ka asnjë vlerë. - Kaq shumë ta kalli datën një copë shkarravinë? Shtet shkarravinë.
5. fig., tall., bised. Grua pa vlerë. U martua me një shkarravinë. – Pusho, shkarravinë!
✱Sin.: shkarravitje, shkrabë, nxirje, vizojë, vizgë.

STERRIM

STERRÍM,~I m. sh. ~E, ~ET 1. Veprimi kur sterroj a sterrohet; nxirje (e qiellit, e fytyrës). Vetëm hija e sterrimit i dukej në fytyrë. Sterrimi i qiellit u pasua nga një rrebesh i fortë.
2. Turpërim. Nuk do ta harronte kurrë sterrimin që i bënë.

TERRATISJE

TERRATÍSJ/E,~A f. 1. Errësim.
2. fig. Vrenjtje, nxirje në fytyrë.
✱Sin.: errësim, ngrysje, mrrolje, vrenjtje, nxirje.

TIGANISJE

TIGANÍSJ/E,~A f. 1. Veprimi kur skuq ushqime në tigan; fërgim. Tiganisje patatesh (specash, vezësh).
2. fig. Nxirje në diell, përcëllim. Tiganisje në diell.
✱Sin.: gatim, fërgim, kaurdisje, skuqje, përzhitje, nxirje, rreshkje, thekje, përcëllim.

TYMOSJE

TYMÓSJ/E,~A f. 1. Qëndrimi në tym; marrja e erës dhe ngjyrës së tymit; nxirje nga tymi. Tymosja e tavanit. Tymosja e perdeve.
2. Lënie për një kohë të gjatë mbi tym (e mishit, peshkut, proshutës). Tymosja e proshutës (e peshkut, e mishit).
3. Bërje e bimëve me tym kundër kandrrave, parazitëve. Tymosja e bimëve kundër kandrrave.
✱Sin.: tymim, përtymje, tuhatje.

VRED

VRED,~I m. Mavi, nxirje rreth një plage ose për shkak të një goditjeje etj. I ka ra vredi rreth syve. E shtrydhi varrën e i qiti vred. Gjak e vred i duel. U bë vred i zi.
✱Sin.: dangë, mavi.

VREDITJE

VREDÍTJ/E,~JA f. sh. ~E, ~ ET Veprimi kur vredit a vreditem. Vreditja e syve. Vreditja e plagës. Iu bë një vreditje. Kishte gjakosje e vreditje.
✱Sin.: irnosje, nxirje, mavijosje, verenikje, murrëtim.

VRENJTJE

VRÉNJTJ/E,~A f. sh. ~E, ~ET 1. Veprimi kur vrenjt a kur vrenjtet. Vrenjtja e qiellit. Vrenjtja e qiellit tregon se po prishet koha. Vrenjtja e qiellit paralajmëron se do të bjerë shi.
2. fig. Veprimi a gjendja kur vrenjtemi nga zemërimi, inati etj. Vrenjtja e fytyrës tregonte një shqetësim a hall që kishte. Vrenjtja nga zemërimi. Vrenjtja e vetullave.
✱Sin.: errësim, zymtim, murrëtim, vrugim, muzgie, sterrim, terrim, mrrolje, turbullim, nxirje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë