Fjalori

Rezultate në përkufizime për “nxënie”

Mëso si ta përdorësh
<<< Kthehu te kërkimi kryesor në fjalor

ASIMILIM

ASIMILÍM,~I m. 1. biol. Përvetësimi i një lëndë të jashtme, duke e përpunuar në organizëm; tretje, thithje, përthithje. Asimilim i ushqimit. Asimilim i oksigjenit.
2. fig. Përvetësimi i një mësimi, të fituarit e dijeve dhe të njohurive në mënyrë të plotë. Asimilim i mësimit. Asimilim i një lëndë.
3. Shkrirje e një populli ose e një kombi, duke e bërë të humbasë veçoritë e tij kombëtare dhe të përvetësojë gjuhën, zakonet etj. të një populli ose të një kombi tjetër; tjetërsim. Asimilimi i një kombi. Asimilimi i mërgatës. Rreziku për asimilim.
4. gjuh. Kthimi i një tingulli, nën ndikimin e një tjetri, në një tingull të njëjtë a të ngjashëm me të për lehtësim shqiptimi ose për të ruajtur ritmin; kund. disimilim. Asimilim i tingujve zanorë (tingujve bashkëtingëllorë). Asimilim fonetik. Asimilim i pjesshëm (i plotë).
✱Sin.: përvetësim, përvetim, thithje, përthithje, nxënie, mësim, shkrirje, tretje, tjetërsim, integrim, përngjashmim.

MËSUAR

MËSÚAR,~IT (të) as. Mësim, nxënie a përvetësim i diçkaje. Ra fjala te të mësuarit e modeleve të reja. Teknikat e të mësuarit në shkollë. Të mësuarit vizual (auditiv).

NXEJE

NXÉJ/E,~A f. sh. ~E, ~ET Nxënie, dije. Me nxeje në shumë fusha të dijes.

NXËNIE

NXË́NI/E,~A f. Mësim, dituri. Integrimi i teknologjisë së komunikimit në mësimdhënie dhe nxënie. Djali tregonte zell në nxënie. Filmi si mjet mësimor në shkolla për nxënie inovative.

NXËNË

NXË́NË,~T (të) as. Të mësuarit, nxënie. Të nxënët në klasë. Të nxënët e kombinuar. Procesi i të nxënit. Të nxënët përmes lojës. Ka vështirësi në të nxënë. Paaftësia në të nxënë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë