Fjalori

Rezultate në përkufizime për “nurzi”

Mëso si ta përdorësh
<<< Kthehu te kërkimi kryesor në fjalor

FYTYRËVRENJTUR

FYTYRËVRÉNJTUR mb. Që ka pamje të vrenjtur; fytyrëngrysur. Punonjës fytyrëvrenjtur.
✱Sin.: i vrenjtur, fytyrëngrysur, fytyrëzymtë, fytyrëvrarë, fytyrëpaqeshur, fytyrëzi, fytyrënxirë, nurzi, nursëz, turizi, ballëvrenjtur, çehrevrenjtur, çehrengrysur.

NGRYSALAQ

NGRYSALÁQ,~E mb. Që është vazhdimisht i zymtë në fytyrë, që nuk i qesh buza ndonjëherë. Njeri ngrysalaq.
✱Sin.: i ngrysur, i ngrysët, ngrysaq, vetullngrysur, i vrenjtur, i zymtë, fytyrëvrenjtur, nursëz, nurzi.

NGRYSUR

NGRÝSUR (i, e) mb. 1. Që është ngrysur, që e zë nata. I ngrysur në mes të pyllit, ai shpejtoi hapat. Ishte i lodhur, por i ngrysur në shtëpi të tij.
2. Që është i mërzitur dhe i zhytur në mendime; që shpreh një gjendje shpirtërore të rëndë e të trishtuar; i zymtë, i vrenjtur. I ngrysur në fytyrë. Njeri i ngrysur. Me vetulla të ngrysura. Me ballë të ngrysur. Doli i ngrysur nga mbledhja.
3. fig. Që është pa dritë e pa gëzim, i trishtuar, i zymtë, i errët. E kaluara e ngrysur. Mjedis i ngrysur. Atmosferë e ngrysur.
4. I errët, i vrenjtur. Qiell i ngrysur.
✱Sin.: hijerëndë, hijevrenjtur, fytyrëvrenjtur, fytyrëngrysur, fytyrëvrazhdë, fytyrëzymtë, i vruguar, i ngrysët, i ngrysur, vetullan, vetullngrysur, vetullash, vetullrrudhur, vetullvrenjtur, i trishtuar, i zymtë, vramuz, i vrugët, i mugët, i errët, i zymtuar, i vrenjtur, i padritë, i pagëzim, i mërzitur, i turbullt, heshtjerëndë, i veshur, orëprapë, nursëz, nurzi, çehrengrysur, çehrevrenjtur, ngrysalaq, sterrë, natë.

NOPRAN

NOPRÁN,~E mb., bised. Që sillet keq e ashpër me të tjerët; i prapë, i pashtruar. Njeri (burrë) nopran. Grua noprane. Është nopran e nurzi.
✱Sin.: i prapë, i pashtruar, ters.

NURBARDHË

NURBÁRDHË mb., bised. Që i qesh fytyra, që është gjithnjë i gëzuar; kund. nurzi. Nusja nurbardhë. Shpirti nurbardhë.
✱Sin.: i çelur, i gëzuar, i qeshur.

NURSËZ

NURSË́Z,~E mb., bised. Që është gjithnjë i vrenjtur e i zymtë, që nuk i qesh fytyra; nurzi. Burrë nursëz.
✱Sin.: i vrenjtur, i zymtë, i ngrysur, fytyrëvrenjtur, hijerëndë, hijevrenjtur, pamjerëndë, hijekeq, nurzi.

NURSËZ

NURSË́Z,~I m. sh. ~Ë, ~ËT Ai që është nurzi. - Nursëz i madh qenke zotërote!

PAMJEVRAZHDË

PAMJEVRÁZHDË mb., libr. 1. fig. Që i nxin fytyra, që nuk qesh, fytyrëzymtë.
2. Që nuk është mirëdashës, i panjerëzishëm, fjalërëndë.
3. fig. I ashpër, i egër.
✱Sin.: fytyrëzymtë, i panjerëzishëm, fjalërëndë, nurzi, nursëz, i ashpër, i egër, hijerëndë.

VRAMUZ

VRAMÚZ,~E mb., bised. I vrenjtur a i ngrysur në fytyrë, që s’i qesh buza kurrë. Njeri (burrë) vramuz. Me fytyrë vramuze. Dukej vramuz. Rrinte vramuz.
✱Sin.: çehremuz, çehresëz, çehrerëndë, i vrenjtur, hijerëndë, hijekeq, i ngrysur, nursëz, nurzi.

VRAMUZ

VRAMÚZ,~I m. sh. ~Ë, ~ËT bised. Ai që është i vrenjtur a i ngrysur në fytyrë, që s’i qesh buza kurrë. Ai vramuzi një ojne ka. Atë vramuzin me atë pamje e ke gjithnjë.
✱Sin.: çehremuz, çehresëz, çehrerëndë, hijerëndë, hijekeq, nursëz, nurzi.

VRAMUZLI

VRAMUZLÍ,~U m. sh. ~NJ, ~NJTË Vramuz. Ai vramuzliu në një terezi rri.
✱Sin.: çehremuz, çehresëz, çehrerëndë, hijerëndë, hijekeq, buzëpaqeshur, nursëz, nurzi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë