Fjalori

Rezultate në përkufizime për “novacion”

Mëso si ta përdorësh
<<< Kthehu te kërkimi kryesor në fjalor

NOVACION

NOVACIÓN,~I m. sh. ~E, ~ET Metodë e re në prodhim ose në teknikë; diçka e re e përparimtare në fushën e shkencës a të artit, risi, novatorizëm. Novacione teknologjike. Novacion në fushën e mjekësisë. Novacion pararendës. Novacion editorial.
✱Sin.: risi, novatorizëm.

NOVATORIZËM

NOVATORÍZ/ËM,~MI m. 1. Vetia e asaj që është e re dhe përparimtare në një fushë, ana e re dhe përparimtare; të qenët novator; risi. Novatorizmi i artit (i letërsisë). Novatorizmi në teknologji (në art). Tradita dhe novatorizmi.
2. Veprimtaria e novatorit, sjellja e diçkaje të re e përparimtare në një fushë; lëvizja e novatorëve. Shpirti i novatorizmit. Përhap novatorizmin.
3. edhe sh. ~MA, ~MAT Diçka e re dhe përparimtare në një fushë, novacion, risi. Novatorizma teknike. Novatorizma në fushën ekonomike. Novatorizma në industrinë e qumështit.
✱Sin.: risi, novacion.

RISI

RISÍ,~A f. sh. ~, ~TË 1. Të qenët i një moshe të re (për një dukuri), vetia e diçkaje që ka pak kohë që është shfaqur. Risia e një dukurie.
2. Dukuri e re, diçka që del për herë të parë ose që hyn e re në jetë, novacion; produkt i ri në sektorin e industrisë, të tregtisë, të teknikës. Një risi në tregun shqiptar. Risitë e modës.
3. spec. Ndryshim gjuhësor, që fillon në një pikë të caktuar të hapësirës gjuhësore nga një individ ose në një mjedis të caktuar shoqëror dhe më pas përhapet si rrezatim në hapësirat e tjera të afërta, inovacion. Risitë në gjuhë. Risi leksikore.
✱Sin.: novacion, novatorizëm, e re.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë