Fjalori

Rezultate në përkufizime për “notues”

Mëso si ta përdorësh
<<< Kthehu te kërkimi kryesor në fjalor

ANDAQ

ANDÁQ,~E mb., krahin. 1. Që është i dhënë shumë pas diçkaje (pas punës, pas shëtitjes, pas kinemasë, pas veshjes, pas muzikës etj.). Djalë andaq. Notues andaq. Futbollist andaq.
2. Që është i qejfit e i haresë, andatar. Grua andaqe. Fëmijë andaq.
✱Sin.: merakli, qejfli, gaztor, zbavitës, argëtues, ahengtar, andatar.

ANIJEMBROJTËS

ANIJEMBRÓJTËS,~I m., det. 1. Digë gurësh, digë betoni etj. në një port që ngrihet në ujë për të krijuar një zonë të mbrojtur nga dallgët për anijet e mjetet e tjera lundruese. Anijembrojtës hidraulik. Anijembrojtës notues.
2. Pajisje të posaçme, goma makinash etj. që montohen në brigjet e një kalate, për të mos lejuar përplasen e një anije me muret e betonta.

BARI

BARÍ,~UII m. sh. ~NJ, ~NJTË zool. (lat. Gallinula chloropus) Shpend notues me pupla ngjyrë kafe, me sqep si të pulës, që jeton nëpër këneta dhe ushqehet me peshq të vegjël. Bariu vjen era peshk.

FLAMINGO

FLAMÍNGO,~JA m. sh. ~, ~T zool. (lat. Phoenicopterus) Shpend i madh notues, me pendë të kuqe të ndezuar, me sqep të kthyer përbrenda, me këmbë të holla e të gjata, i lartë deri 1. 5 m dhe peshë deri 5 kg, që jeton në koloni. Studionte flamingot. Tufa e flamingove.

HIDROBAT

HIDROBÁT,~I m. sh. ~Ë, ~ËT 1. spec. Notues që mund të mbahet vertikalisht mbi ujë; mjeshtër i mirë i notit.
2. zool. (lat. Hydrometra lacustris) Insekt ujor, me trup të hollë e të zgjatur, që lëviz mbi sipërfaqen e ujërave të qeta, kryesisht të ujërave të ëmbla.

NOTAR

NOTÁR,~E mb. Që noton mirë, që di të bëjë not mirë. Shpend notar.
✱Sin.: notues, notarak.

NOTARAK

NOTARÁK,~E mb., vjet. Që bën not, që rri mbi ujë (për kafshët). Zog notarak.
✱Sin.: notues, notar.

NOTUES

NOTÚES,~E mb. 1. Që rri mbi sipërfaqen e ujit; që nuk zhytet, pluskues. Trup notues. Akuj notues. Gjethe notuese.
2. Që shërben për të notuar. Fshikëz notuese fshikëza e notimit. Cipë notuese lapër në këmbët e disa shpendëve (si rosa, pata etj.) dhe amfibëve.
✱Sin.: pluskues, notarak.

PLEVATËS

PLEVÁTËS,~I m. sh. ~, ~IT krahin. 1. Diçka që qëndron a që pluskon mbi ujë.
2. Notues; notar.

PLUSKUES

PLUSKÚES,~E mb. Që qëndron sipër e tundet mbi ujë, në ajër etj. dhe nuk bie poshtë, që nuk zhytet në ujë. Sende pluskuese. Trup pluskues.
✱Sin.: notues, lundrues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë