Fjalori

Rezultate në përkufizime për “noterial”

Mëso si ta përdorësh
<<< Kthehu te kërkimi kryesor në fjalor

EKZEKUTUESE

EKZEKUTÚES/E,~JA f. sh. ~E, ~ET 1. Ajo që zbaton një ligj, një vendim, një urdhër, një marrëveshje etj. Ekzekutuese e aktit noterial. E caktuar si ekzekutuese e ligjshme e tij. Ekzekutuese e politikës së qeverisë. Ekzekutuesja e testamentit.
2. drejt. Ajo që merr pjesë drejtpërsëdrejti në kryerjen e një vepre penale. Ekzekutuesja e aktit të vjedhjes së votës
3. Vrasëse. Ekzekutuesja u zhduk menjëherë pas vrasjes. Ekzekutuesja e familjes. Ekzekutuesja e gjuetarit.
4. muz. Ajo që luan një pjesë muzikore. Ekzekutuesja e preludit të Shopenit. Në piano po luanin dy ekzekutuese.
5. sport. Ajo që kryen lëvizje të caktuara të teknikës së një sporti. Ekzekutuesja e gjuajtjes. Ekzekutuesja e goditjes mbi rrjetë. Ekzekutueset e bllokut të kundërshtarit.
✱Sin.: zbatuese, realizuese, interpretuese, performuese, vrasëse.

NOTERIAL

NOTERIÁL,~E mb., drejt. Që ka të bëjë me hartimin e disa dokumenteve juridike, me vërtetimin ligjor të akteve juridike dhe të nënshkrimeve në dokumente të ndryshme nga noteri etj.; që ka të bëjë me noterin dhe noterinë. Aktet dhe veprimet noteriale. Organ noterial. Zyrë noteriale.

POSTDATUAR

POSTDATÚAR (i, e) mb., libr. I pasdatuar. Akt noterial i postdatuar.

TESTAMENT

TESTAMÉNT,~I m. sh. ~E, ~ET 1. drejt. Dokument zyrtar që bën trashëgimlënësi, me anën e të cilit ai, me vullnet të lirë, i lë pas vdekjes pasurinë a sendet vetjake dikujt tjetër. E la me testament. E ka në testament. Testament alografik tekst i hartuar nga një person tjetër dhe i nënshkruar nga trashëgimlënësi në praninë e së paku dy dëshmitarëve me një deklaratë të trashëgimlënësit që testamenti është i tij. Testament holograf testament i shkruar dhe i nënshkruar nga trashëgimlënësi me dorë të vet (jo me makinë shkrimi a në mënyrë mekanike). Testament gjyqësor testament i përpiluar nga gjyqtari i gjykatës kompetente sipas deklaratës së trashëgimlënësit dhe i nënshkruar prej tij. Testament noterial testamenti me akt noterial që redaktohet nga noteri dhe nënshkruhet nga trashëgimlënësi në prani të tij.
2. fig. Dëshirë që lë njeriu me fjalët e fundit para vdekjes; amanet.
3. fet. Dhiatë, bibël. Testamenti i Vjetër Dhiata e Vjetër. Testamenti i Ri Dhiata e Re.
4. libr. Vepër e rëndësishme, e shkruar nga një veprimtar shoqëror, nga një shkrimtar, nga një shkencëtar etj., zakonisht gjatë viteve të fundit të jetës, në të cilën pasqyrohen pikëpamjet e tij kryesore për fushën përkatëse. Testament politik (poetik).
✱Sin.: amanet, dëshirë, bibël, dhiatë, vepër.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë