Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AKTJETËRSÍM,~I m. sh. ~E, ~ET drejt., vjet. 1. Proces i kalimit të pronësisë ose i të drejtave nga një person te tjetri; akt jetërsimi.
2. Shkresë zyrtare që vërteton kalimin e pronësisë ose të të drejtave nga një person te tjetri. Noteri përgatiti aktjetërsimin e apartamentit. Nënshkrova aktjetërsimin.
AKTPAJTÍM,~I m. sh. ~E, ~ET drejt. 1. Marrëveshje e arritur ndërmjet dy ose më shumë palëve për zgjidhjen paqësore të një konflikti ose të një mosmarrëveshjeje, para një gjykate, para një noteri ose para një pale ndërmjetësie. Shkel aktpajtimin. Arritën aktpajtimin.
2. Shkresë zyrtare që vërteton pajtimin e palëve që gjykohen, akt pajtimi, akt i pajtimit. Nënshkruan aktpajtimin. Formulari i aktpajtimit.
AKTSHÍTJ/E,~A f. sh. ~E, ~ET zyrt. 1. Veprimi për bartjen e pronësisë së një pasurie të luajtshme ose të paluajtshme nga një person te një tjetër kundrejt një çmimi të caktuar. Aktshitje ligjore. Bëj aktshitjen. Aktshitje e një prone private.
2. Shkresë ligjore që vërteton shitjen e një malli a të një prone, akt shitjeje. Sigurova aktshitjen e shtëpisë. Nënshkruan aktshitjen. Noteri përgatiti aktshitjen e kompanisë.
NOTÉR,~I m. sh. ~Ë, ~ËT drejt. Këshilltar ligjor i ngarkuar për kryerjen e disa veprimeve juridike, që me dispozita nuk u janë lënë organeve të tjera shtetërore (si bërje aktesh për lidhje kontratash, vërtetime dokumentesh e nënshkrimesh, pranim për ruajtje dokumentesh të ndryshme etj.). E vërtetoi dëshminë te noteri.
TESTAMÉNT,~I m. sh. ~E, ~ET 1. drejt. Dokument zyrtar që bën trashëgimlënësi, me anën e të cilit ai, me vullnet të lirë, i lë pas vdekjes pasurinë a sendet vetjake dikujt tjetër. E la me testament. E ka në testament. Testament alografik tekst i hartuar nga një person tjetër dhe i nënshkruar nga trashëgimlënësi në praninë e së paku dy dëshmitarëve me një deklaratë të trashëgimlënësit që testamenti është i tij. Testament holograf testament i shkruar dhe i nënshkruar nga trashëgimlënësi me dorë të vet (jo me makinë shkrimi a në mënyrë mekanike). Testament gjyqësor testament i përpiluar nga gjyqtari i gjykatës kompetente sipas deklaratës së trashëgimlënësit dhe i nënshkruar prej tij. Testament noterial testamenti me akt noterial që redaktohet nga noteri dhe nënshkruhet nga trashëgimlënësi në prani të tij.
2. fig. Dëshirë që lë njeriu me fjalët e fundit para vdekjes; amanet.
3. fet. Dhiatë, bibël. Testamenti i Vjetër Dhiata e Vjetër. Testamenti i Ri Dhiata e Re.
4. libr. Vepër e rëndësishme, e shkruar nga një veprimtar shoqëror, nga një shkrimtar, nga një shkencëtar etj., zakonisht gjatë viteve të fundit të jetës, në të cilën pasqyrohen pikëpamjet e tij kryesore për fushën përkatëse. Testament politik (poetik).
✱Sin.: amanet, dëshirë, bibël, dhiatë, vepër.
TJETËRSUESHMËRÍ,~A f., libr. Të qenët i tjetërsueshëm. Tjetërsueshmëria e pasurisë së paluajtshme kryhet në noteri.
ÇEHREVRÁNËT mb. 1. Fytyrëvrenjtur. Noteri ishte një burrë çehrevranët.
2. si ndajf. Me fytyrë të vrenjtur. Na pa çehrevranët.
✱Sin.: fytyrëvrenjtur, çehrevrenjtur, çehrenxirë, çehrengrysur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë