Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LIGJËRÍM,~II m. sh. ~E, ~ET 1. Veprimi kur ligjëroj, kur flas në mënyrë të zgjeruar e të qëllimshme mbi një temë; mbajtja e një ligjërate a e një fjale para të tjerëve. Ligjërimi i tij në kuvend zgjati mbi një orë.
2. gjuh. Gjuha e gjallë kur e flasim a e shkruajmë, gjuha në çastin e përdorimit të saj nga njerëzit. Gjuha dhe ligjërimi. Stili i ligjërimit.
3. gjuh. Variant i gjuhës me disa veçori dalluese, që përcaktohen nga rrethanat në të cilat bëhet kumtimi dhe nga qëllimi i kumtimit; stil i gjuhës; mënyrë të foluri; mënyra e shqiptimit në të folur. Ligjërimi letrar ligjërim i normëzuar që përdoret nga njerëzit e shkolluar, gjuhë letrare. Ligjërimi bisedor. Ligjërimi libror. Ligjërimi poetik. Ligjërimi i thjeshtë. Ligjërimi dialektor. Ligjërim tregimtar. Ligjërim i plotë (i lirë). Ligjërim i hollë (i trashë).
4. E folme; gjuhë. Ligjërimi i krahinës (i fshatit). Ligjërimet arbëreshe.
5. Kuvend, bisedë. U mblodhën në ligjërim.
6. fig. Zëri i disa zogjve që këndojnë ose cicërojnë bukur, kënga e zogjve; shushurimë a fëshfërimë e ëmbël që të ngjall kënaqësi. Ligjërimi i bilbilit. Dëgjohej ligjërimi i lumit (i drurëve, i pyllit).
✱Sin.: e folur, lexim, fjalim, shqyrtim, kuvendim, pleqërim, këndim, cicërimë, shushurimë, fëshfërimë, e folme, gjuhë, stil, shqiptim, kuvend, bisedë.
NORMATIVIZÚAR (i, e) mb. Që është normativizuar, i normëzuar. Gjuhë e normativizuar. Terminologji e përpunuar dhe e normativizuar.
NORMËZÚAR (i, e) mb., gjuh. Që ka norma të përcaktuara e të ngulitura për të gjithë pjesëtarët e kombit (për gjuhën letrare). Gjuhë e normëzuar. Drejtshkrim i normëzuar.
✱Sin.: i ngulitur, i normativizuar, i normuar, i përcaktuar, i rregulluar.
STANDÁRD,~E mb. 1. Që bëhet a që prodhohet në seri sipas një gjedheje me përmasa, trajtë e cilësi të caktuara; që bëhet sipas një tipi a standardi, i njëllojtë me diçka tjetër. Punishtja i bënte prodhimet standarde sipas përmasave të kërkuara. Çifti po kërkonte një shtëpi banimi standard, që të kishte hapësirat e nevojshme.
2. Që shërben si bazë për masat e ndryshme të peshës, të gjatësisë etj. Metri standard. Peshat dhe masat standarde.
3. gjuh. Që është normëzuar në shkallën më të lartë dhe që është pranuar zyrtarisht. Zbatimi i varietetit standard në ligjërimet publike. Miratimi i një forme standarde gjuhësore në përdorimin e përgjithshëm.
4. fig. mospërf. Që bëhet pa mendim krijues, duke ndjekur a duke përsëritur mekanikisht diçka të njohur; i njëllojtë dhe pa diçka të vetën a origjinale. Ajo bisedë përmbante forma standarde të diskutimit, nuk kishte asgjë interesante. Deklaratat e tij standarde ishin bërë diçka e zakonshme tashmë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë