Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►LÝHEM jovep., LÉVA (u), LÝER 1. vetv. Bëhem me vaj ose me ndonjë lëndë tjetër; lyej trupin a një pjesë të tij me bojë a me një lëndë tjetër të lëngshme; ngjyrohem. Lyhem në vaj. U lye me të kuq. Lyhet e ngjyhet zbukurohet së tepërmi me pudër e me të kuq, pispilloset.
2. Zhytem e njomem në një lëng; fëlliqem, përlyhem. U lye në gjak. Iu lyen duart (rrobat). Kujdes, mos lyhesh!
3. fig., keq. Marr pjesë në një punë të keqe; i vë njollë vetes, përlyhem nga ana morale; fëlliqem. Është lyer keq. U lye edhe ai në atë punë.
4. krahin. I ngjitem pas dikujt, nuk i ndahem, i qepem pas. Langoi iu lye lepurit. Iu lye deri në shtëpi.
5. pës. e LYEJ.
✱Sin.: lyhem vajosem, bojatisem, ngjyrohem, laturisem, zhytem, njomem, fëlliqem, përlyhem, njollosem, ngjitem, qepem.
♦ *Lahet e lyhet (dikush). Lyhet e ngjyhet (dikush) keq. shih lahet e lyhet (dikush).
►LËMÉK/EM jovep., ~A (u), ~UR 1. vetv. Njomem pak me ujë ose me diçka tjetër të lëngët; djersitem pak; lagem, bëhem qull. U lëmekën me ujë. U lëmek nga ethet. Iu lëmek balli. Lëmeken foshnjat në gjumë.
2. vetv., edhe fig. Më priten fuqitë nga lodhja, nga ndonjë sëmundje etj.; këputem, kapitem; bëhem i flashkët; më bie të fikët; mekem; vdes. Iu lëmekën duart. Iu lëmek koka. Iu lëmekën fuqitë. U lëmek era.
3. vet. v. III Më dobësohet e më shuhet pak nga pak, më pritet (zëri a fjala); më meket. Iu lëmek zëri (fjala) në gojë. Iu lëmek goja.
4. pës. e LËMÉK.
✱Sin.: mekem, djersitem, lagem, qullem, rraskapitem, vdes, tronditem.
♦ M’u lëmek *zemra. Iu lëmek (iu mek) *zëri (dikujt).
►QULL/EM jovep., ~A (u), ~UR 1. vetv. Lagem shumë, bëhem ujë, njomem. Qullem i tëri. U qull në djersë. Iu qullën rrobat.
2. vetv., vet. v. ІІI Qulltohet; bëhet si qull, squllet. Hurmat u qullën nga njëra- tjetra.
3. fig., bised. Qullosem vetv. U qullosa fare.
4. pës. e QULL. U qull pasi nuk pati çadër.
►SPËRKÁT/EM jovep., ~A (u), ~UR 1. vetv. Bëhem me pika uji, balte etj., ndotem me pikla të një lëngu që përhapen me vrull; çikëlohem. U spërkat duke u larë. U spërkat me gëlqere. Ishte spërkatur kokë e këmbë.
2. fig. Nëmet (me gjak). Toka jonë u spërkat me gjak.
3. pës. e SPËRKÁT. U spërkatën me pikat e ujit që vadiste tokën.
✱Sin.: stërpikem, stërkitem, cërkohem, cirkatem, cirkohem, cirkëlohem, çikohem, pikohem, pikem, pikëloj, lyrohem, lagem, njomem, mekem.
►THÁ/HEM jovep. ~VA (u), ~RË 1. vetv. Më ikën uji ose lagështia nga rrobat etj., më avullon lagështia, terem; kund. lagem, njomem. Thahem pranë zjarrit. Thahem në diell (në erë). U tha ajri. U tha toka. U thanë rrobat. Janë tharë mirë drutë (dërrasat).
2. vetv., vet. v. III I mbaron a i soset uji, nuk ka më ujë, shter. Këneta (lumi) u tha.
3. vetv., vet. v. III I del njomështia, i ikën lëngu; piqet shumë. U thanë pemët (perimet, fiqtë).
4. vetv., vet. v. III Humbet butësinë, bëhet i thatë. U tha buka. U tha duhani.
5. vetv., vet. v. III Përthahet. Iu tha lëkura. Iu thanë buzët. Iu tha fyti (gryka). U tha shumë. Iu thanë plagët i zunë kore, iu përthanë plagët.
6. bised., vetv. Nuk ka më qumësht, nuk jep më qumësht; bëhet shterpë. Iu thanë gjinjtë. U thanë lopët.
7. vetv., vet. v. III Kthehet në diçka pa jetë, nuk ushqehet me gjak e nuk punon (një pjesë e trupit). Iu tha dora (këmba). U tha që në mes. I janë tharë këmbët e i janë bërë si shkopinj. Iu thaftë koka (dora)! mallk.
8. vetv., vet. v. III. Prishet, nuk jeton më, nuk prodhon më etj. (për bimët ose për pjesët e tyre). U thanë gjethet (degët, pemët). U thanë limonët.
9. vetv. Dobësohem shumë, tretem e hollohem, bëhem kockë e lëkurë. U tha fare nga sëmundja.
10. përf. Kam shumë të ftohtë, mërdhij shumë, mpihem. U thava së ftohti. M'u thanë duart (këmbët, gishtërinjtë). M'u tha kurrizi (shpina, qafa). M'u thanë dhëmbët.
11. pës. e THAJ. Këneta u tha nga të dënuarit e regjimit.
✱Sin.: terem, përthahet, shteret, shterpon, tretem, dobësohem.
♦ M’u tha *barku bised. Pa u tharë *boja libr. T’u thafshin *brinjët! mallk. M’u tha (m’u poq) *buza (për diçka). M’u thanë *duart. T’u thaftë *dora! mallk. M’u tha *fyti (për diçka). M’u tha *gojaI (për diçka). M’u tha *gojaII. T’u thaftë goja! mallk. Si s’m’u tha *goja keq. M’u tha *gryka (për diçka). M’u tha *gurmazi (për diçka). Pa u tharë *gjaku (mirë). M’u tha *gjuha. T’u thaftë *gjuha! mallk. Si s’m’u tha *gjuha keq. Iu tha (iu zu) *gjuha (dikujt). M’u thanë *këmbët. T’u thafshin *këmbët! mallk. Si s’m’u thanë *këmbët! S’janë tharë *lotët. S’i thahet *luga (dikujt). Pa u tharë *pështyma. M’u tha *syri (për diçka). M’u thanë (më shterën, më shteruan) *sytë. Nuk i janë tharë *shkarpat (dikujt) iron. M’u tha *shpirti (zemra). I janë tharë (i kanë shterur) *trutë (dikujt) përb. Është tharë në *tym (dikush). M’u tha zemra (*shpirti). M’u tha *zorra bised.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë