Fjalori

Rezultate në përkufizime për “njomësirë”

Mëso si ta përdorësh
<<< Kthehu te kërkimi kryesor në fjalor

BARISHTE

BARÍSHT/E,~JA f. kryes. sh. ~E, ~ET bot. 1. Çdo bimë pa kërcell a me kërcell që nuk drunjëzohet, me gjethe të blerta në trajta të ndryshme, e cila rritet vetë ose mbillet si perime; bimë barishtore; barurina. Barishte e egër. Vend i pasur me barishte. Barishtet e këqija. Barishte të thata (të njoma). Barishte uji. Barishte deti leshterik. Farë barishtesh. Shkul barishtet. E kanë mbuluar barishtet. Tufa barishtesh të thata. Kultivimi i barishteve.
2. Gjethet ose pjesët e njoma të këtyre bimëve që përdoren për ushqim, perime të gjelbra. Barishte të ëmbla. Barishte për mjekësinë. Gjellë (mish, supë, sallatë) me barishte. Lëng barishtesh. Mbjell barishte. Ushqehej me barishte. I përdorin shumë barishtet. Barishte sallate.
3. Vend i mbuluar me bar; livadh, barinë. Sipërfaqet barishtore.
✱Sin.: barurina, barni, njomësirë, livadh, barinë.

NJOMËSHTIRË

NJOMËSHTÍR/Ë,~A f. sh. ~A, ~AT 1. Lagështi. Njomështirë e tepërt. Njomështirë pranverore. Ka (mban) njomështirë.
2. kryes. sh. Njomishte. Mbledh njomështira. Hanë njomështira (lopët). U hedh njomështira. Rron me njomështira.
3. Njomësirë. Vend me njomështira.

NJOMËSI

NJOMËSÍ,~A f. 1. Të qenët i njomë, cilësia e asaj që është e njomë; ajo që e bën diçka të njomë. Njomësia e barit (e bimëve). Faqe (buzë) plot njomësi. Humbet njomësinë. I jep njomësi. Njomësia e avullit.
2. fig. Të qenët i njomë e i brishtë; ëmbëlsi. Njomësi pranverore. Njomësi vashërore. poet. Njomësia e zemrës (e ndjenjave).
✱Sin.: njomështi, njomësirë, lagështi, brishtësi.

NJOMËSIRË

NJOMËSÍR/Ë,~A f. sh. ~A, ~AT 1. Njomësi. Njomësira e drurëve.
2. Vend i lagësht, vend që mban lagështi, njomishte. S’flihet në këtë njomësirë.
3. Dikush që është i njomë e i brishtë.
4. Diçka e njomë dhe e delikate.
✱Sin.: njomësi, lagështirë, njomështirë, njomishte, barishte.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë