Fjalori

Rezultate në përkufizime për “njolloj”

Mëso si ta përdorësh
<<< Kthehu te kërkimi kryesor në fjalor

NJOLLOS

NJOLLÓS vep., ~A, ~UR kal. 1. E bëj me njolla; ndot; kund. çnjollos. Njollos rrobat. Njollos mbulesën e tryezës. Njollos muret. Njollos duart me bojë.
2. fig. I vë dikujt një njollë morale, ia cenoj nderin a ia prish emrin e mirë, e turpëroj; e bëj dikë a diçka me njollë. Njollosi emrin (nderin, veten, familjen). Nuk e njollos emrin. Njollos miqësinë me dikë. Njollos figurën morale të dikujt. Kjo sjellje e njollos imazhin tënd.
✱Sin.: njolloj, përlyej, leros, vurrat, zhyej, llackos, ndyj, ndot, fëlliq, vrugoj, vrug, damkoj, balos, përdhos, nxij.
♦ I njollosi *emrin (dikujt).

VRUGOJ

VRUG/ÓJ vep., ~ÓVA, ~ÚAR kal. 1. vet. v. III I shkakton vrugun, e bën me vrug, bën që t’i bjerë vrugu (një bime, një peme a pjesëve të tyre). E vrugoi lagështira duhanin (pataten, grurin).
2. fig. Vrenjt, ngrys a nxij (fytyrën, vetullat). Vrugoi fytyrën. Vrugoi vetullat.
3. fig. E shkatërroj, e prish, e nxij. Ia vrugoi jetën (zemrën).
4. fig. Fëlliq, njollos. Ia vrugoi nderin. Ia vrugoi emrin.
✱Sin.: vrug, frugulloj, shkrumboj, përcëlloj, vrenjt, ngrys, nxij, fëlliq, njolloj, turpëroj.

VULOS

VULÓS vep., ~A, ~UR kal. 1. Vërtetoj një dokument, një shkresë etj. duke i vënë vulën; i vë vulën; mbyll diçka me dyllë, me plumb etj., dhe vë vulën mbi të; kund. zhvulos. Vulosi shkresën (dokumentin). Vulosi derën (kasafortën). Ia vulosën çiften. E vulosi pakon (arkën) me dyllë (me plumb).
2. I vë një shenjë a një damkë, shënoj a damkos diçka. Vulosën pishat. Vulosën parcelën e pishave.
3. Mbyll diçka me tapë, me shtupë etj.; e zë mirë, që të mos marrë ajër, të mos rrjedhë etj.; zë. Vulos shishen (bucelën). Vulos veshët i zë veshët me pambuk.
4. fig. bised. I jap fund diçkaje, e përfundoj, i vë vulën, i vë kapak një pune; vendos përfundimisht për diçka. E vulosi punën.
5. fig. Njollos, damkos. E vulosi me turp. E vulosi me damkën e turpit.
6. Shënoj në mënyrë të dukshme me vulë mbi produktet shtazore ose mbi ambalazhet e tyre pas kontrollit veterinar, që tregon lejen për konsumim ose moskonsumim të tyre. Vulosi mishin. Vulosi mbi ambalazhin e produkteve shtazore. Vulosi produktet shtazore.
✱Sin.: zë, shënoj, njolloj, damkoj, damkos, dyllos, mbaroj, përfundoj, vendos, mbyll, shtupos, tapos, kalpëtoj.
♦ Vetë shkruan e vetë vulos (dikush).

VURRAT

VURRÁT vep., ~A, ~UR kal. 1. E bëj dikë me vurrata, pasi e godas me grushte a i bie me një send të fortë. Ia vurrati fytyrën me grusht. Ia vurrati shpinën. Ia vurrati syrin.
2. Ndot diçka duke e bërë me njolla lyre ose balte; përlyej, ndyj. I vurrati (rrobat) këpucët me baltë. E vurrati këmishën me yndyrë. Vurrati duart me (gëlqere)
✱Sin.: njollos, njolloj, fëlliq, ndyj, vrugoj, përlyej, zhgjyroj, zhigoj, vrugoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë