Fjalori

Rezultate në përkufizime për “njerëzisht”

Mëso si ta përdorësh
<<< Kthehu te kërkimi kryesor në fjalor

BAGËTISHT

BAGËTÍSHT ndajf. 1. Në mënyrë trashanike, jo me sjellje të mirë e të kulturuar; kafshërisht. Fliste (sillej) bagëtisht.
2. Në mënyrë të pamëshirshme, egër, si kafshë; shtazërisht, mizorisht; kund. njerëzisht. Punon njerëzisht e ha bagëtisht. (fj. u.).
✱Sin.: kafshërisht, shtazërisht, mizorisht.

JONJERËZISHT

JONJERËZÍSHT ndajf. Që nuk ka mirësjellje, me mungesë ndjenjash të mira, pahijshëm; kund. njerëzisht. U soll jonjerëzisht.

NJERËZISHT

NJERËZÍSHT ndajf. Me sjellje të mirë, të hijshme, fisnike e të përzemërt, me njerëzi, në mënyrë të njerëzishme, si njeri, njerëzishëm; kund. çnjerëzisht, mizorisht, barbarisht, bagëtisht, egërsisht. Sillet njerëzisht. Pres dikë njerëzisht. E pyeti (i foli) njerëzisht. E trajton njerëzisht. Jeton njerëzisht. E ftoi njerëzisht. I kërkon diçka njerëzisht.

NJERËZISHËM

NJERËZÍSHËM ndajf. Njerëzisht, si njeri; njerëzisht; kund. çnjerëzishëm, jonjerëzisht, panjerëzisht. Sillet (flet) njerëzishëm. Iu përgjigj njerëzishëm. Ndahem njerëzishëm me dikë.

PANDEMI

PANDEMÍ,~A f. 1. mjek. Sëmundja ngjitëse që përhapet gati në tërë njerëzit e një vendi a në tërë njerëzit e botës. Pandemi vdekjeprurëse.
2. Dukuri që përhapet në një masë shumë të madhe njerëzisht të një vendi a të botës. Pandemia e basteve sportive.

VËSHTRIMBUTË

VËSHTRIMBÚTË mb., poet. Që ka vështrim të butë, që të shikon ëmbël, njerëzisht. Me sy vështrimbutë. Njeri vështrimbutë.

VËSHTRIMEGËR

VËSHTRIMÉGËR mb., poet. Që të vështron me vrazhdësi, me të egër, jo njerëzisht; që të tremb me ata sy kur të vështron. Grua vështrimegër. Njeri vështrimegër. Me sy vështrimegër.

VËSHTRIMRËNDË

VËSHTRIMRËNDË mb., poet. Që ka vështrim të rëndë, që të shikon vrazhdë, ashpër, jo njerëzisht. Me sy vështrimrëndë. Njeri vështrimrëndë.

ÇNJERËZISHT

ÇNJERËZÍSHT ndajf. Në mënyrë çnjerëzore; mizorisht, barbarisht; kund. njerëzisht. I vrau çnjerëzisht. I shtypi çnjerëzisht. Sillet çnjerëzisht. I trajtojnë viktimat e tyre çnjerëzisht.
✱ Sin.: mizorisht, barbarisht, egërsisht.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë