Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
NJË num. 1. Numri i parë në vargun e numrave të plotë, numri 1; numri i plotë më i vogël, që shënon njësinë më të vogël; njësia më e vogël në një grup, që shënohet me këtë numër. Numri një. Tridhjetë e një. Një dhe një bëjnë dy. Është një orë larg. Peshon një kilogram. Ka një vajzë. Ndenji vetëm një ditë. Bleu një metër stof. Një për qind e grurit. Një e dhjeta e prodhimit. Pa thënë një, nuk thonë dy. (fj. u.).
2. si num. I parë. Dhoma një. Radha një. Karrigia një. Lagjja një. Hyrja një. Vëllimi një.
✱Sin.: i njëjtë, i parë, njëzë, njëckë.
♦ Bathë bathë po një kokërr (po një koqe) iron. S’bën një *kacidhe (diçka). Me një *gur vret dy zogj (dikush). E hedh me një *gisht (dikë). Mat shtatë *herë e pret një herë (dikush). *Numër një. Numëron deri në një (dikush) iron., tall. është i pashkollë e fare i paditur, nuk ka njohuri për diçka; është fare fillestar në një punë a në një detyrë. As një për *farë. Me një *fjalë. Një e dy... (një më dy...) shumë shpesh, vazhdimisht (përsëritet po ajo gjë). Pa një pa dy patjetër, medoemos e pa asnjë kundërshtim, pa ngurruar e pa lëkundje; pa e zgjatur. Një nga *dhia e dy nga vija. Edhe me një *këmbë… Si një e një (që) bëjnë dy me siguri të plotë, pa asnjë dyshim, patjetër, medoemos; me mijë për qind. Një për (më) një të gjitha, pa lënë asgjë në harresë, pa kapërcyer asgjë, me radhë e me hollësi; kokërr për kokërr; fjalë për fjalë. Sa të thuash një shumë shpejt, menjëherë, në një kohë shumë të shkurtër, në çast; sa të marrësh frymë; fët e fët; aty për aty; sa të thuash pesë. Unë një e ai njëqind është llafazan i madh, të mbyt me fjalë, nuk të lë të flasësh; ka dymbëdhjetë gjuhë (dikush) përçm.; sikur ka ngrënë katëkun e pulës (dikush) tall.; flet me pesë gojë (dikush) mospërf. E verbon (e qorron) një *sy (dikush).
NJËZË́RI ndajf. 1. Të gjithë së bashku me një zë. Thanë njëzëri. Folën (thirrën, u përgjigjën) njëzëri.
2. fig. Duke qenë të gjithë në një mendje dhe pa shprehur askush ndonjë mendim a qëndrim të kundërt ose të ndryshëm, me miratimin e të gjithëve; duke e dhënë votën e tyre të gjithë për një vendim, për një kandidat etj., unanimisht. U miratua njëzëri. Pranuan (vendosën) njëzëri. U zgjodh njëzëri.
NJËZË́RËSH,~I m. Këngë me një zë; kund. shumëzërësh, polifoni. Njëzërëshi i veriut të Shqipërisë.
NJËZË́SH/ËM (i), ~ME (e) mb. Që është miratuar a që është pranuar njëzëri; që shpreh mendimin e përbashkët të të gjithëve; unanim; që ka fituar votat e të gjithë pjesëmarrësve në votim; i përgjithshëm. Miratim (pranim, pëlqim) i njëzëshëm. Përgjigje e njëzëshme. Vota të njëzëshme. Vendim i njëzëshëm. Përkrahje e njëzëshme. Në mënyrë të njëzëshme.
TRÉZË (TRÍZË) num., zvog., fëm. Tre (përdoret kryesisht nëpër përralla e në krijimtarinë folklorike). Njëzë, dyzë, trezë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë