Fjalori

Rezultate në përkufizime për “njëjtësoj”

Mëso si ta përdorësh
<<< Kthehu te kërkimi kryesor në fjalor

BARAZOJ

BARAZ/ÓJ vep., ~ÓVA, ~ÚAR 1. kal. I bëj të barabartë nga madhësia, nga pesha, nga numri etj.; bëj barabar, barabit; njëjtësoj. Barazoj përfundimin. Barazoi pikët. I barazojmë dy shifra. Barazoj buxhetin (fin.).
2. kal. I jap të njëjtin vlerësim, duke e krahasuar me një tjetër, e vlerësoj njësoj; krahasoj. E barazoi me veten. Nuk barazohet me të.
3. fig., keq., kal. Shpërfill çdo dallim në vlera ndërmjet dy njerëzve; rrafshoj, niveloj. Kjo metodë letrare barazonte vlerat e cilësitë e heronjve.
4. sport., jokal. Arrij ta bëj të barabartë përfundimin e një ndeshjeje, të një loje etj. U përpoqën të barazonin. Barazuan në minutën e fundit.
✱Sin.: njëjtësoj, njësoj, barabit, rrafshoj, niveloj.
♦ E barazoj (e shumëzoj) me *zero (dikë a diçka) shpërf.

IDENTIFIKOHEM

►IDENTIFIK/ÓHEM jovep., ~ÓVA (u), ~ÚAR libr., pës. e IDENTIFIKÓJ.
✱Sin.: njëjësoj, njëjtësoj, barazoj, njëjësohem, njëjtësohem, barazohem, barabitem.

IDENTIFIKOJ

IDENTIFIK/ÓJ vep., ~ÓVA, ~ÚAR libr., kal. 1. Vë shenjën e barazimit të plotë midis dy gjërave, i përqas dhe i quaj të njëjta, njëjtësoj. Identifikon dëshirat me mundësitë.
2. drejt. Arrij të njoh një njeri sipas të dhënave të ndryshme ose të gjurmëve që ka lënë, e zbuloj kush është ai që kërkoj; zbuloj e përcaktoj një send, një gjurmë etj., që më duhet për të vërtetuar diçka. E identifikuan vjedhësin (vrasësin, viktimën).
3. Zbuloj e përcaktoj plotësisht tiparet dalluese të një bime, të një kafshe etj. dhe gjej klasën a llojin ku bën pjesë, moshën, afritë me qenie e sende të tjera etj. Identifikoj një bimë (një kafshë, një fosil, një gur mineral).
✱Sin.: njëjtësoj, barazoj, zbuloj, analizoj, klasifikoj, përshkruaj, përcaktoj.

NJËJTËSIM

NJËJTËSÍM,~I m., libr. Veprimi kur njëjtësoj ose kur njëjtësohet diçka.
✱Sin.: njëjësim, identifikim, barazim.

NJËJËSOJ

NJËJËS/ÓJ vep., ~ÓVA, ~ÚAR libr., kal. 1. Njëjtësoj, njësoj.
2. vjet. Barazoj.

NJËMEND

NJËMÉND vep., ~A, ~UR libr., kal. Njëjtësoj, barazoj.

NJËPËRNJËSOJ

NJËPËRNJËS/ÓJ vep., ~ÓVA, ~ÚAR kal. Njëjtësoj, barazoj. Njëpërnjësoi veten me shokun.

NJËTRUPËZOJ

NJËTRUPËZ/ÓJ vep., ~ÓVA, ~ÚAR kal. Bëj një trup të vetëm; shkrij, ngjis, bashkoj, njëjtësoj, përnjësoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë