Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
NGUSHTËSÍ,~A f. 1. Vetia e një sendi ose e një hapësire të ngushtë, të qenët i ngushtë; kund. gjerësi. Ngushtësia e vendit (e dhomës, e shtëpisë...). Ngushtësia e trasesë së rrugës. Vuante nga ngushtësia e kraharorit.
2. fig. Qëndrim i ngushtë për diçka; kufizim i tepruar në kuptimin, vështrimin, gjykimin a trajtimin e diçkaje; të qenët i ngushtë. Ngushtësi e mendjes. Ngushtësia e botëkuptimit (e horizontit, e mendjes). Ngushtësia e tematikës. Ngushtësia e pikëpamjeve.
3. fig. Gjendje e keqe ekonomike, ngushticë. Ngushtësia ekonomike.
✱Sin.: kufizim, pamjaftueshmëri, ngurtësi, ngushticë, angështi, varfëri, vështirësi, zemërngushtësi, njëanshmëri, shpirtngushtësi, meskinitet.
NJËANSHMËRÍ,~A f. 1. Të qenët i drejtuar vetëm në një anë, të qenët i njëanshëm; të qenët i kufizuar, ngushtësi; kund. shumanshmëri. Njëanshmëria e ekonomisë. Njëanshmëria e burimeve historike (e studimeve të mëparshme). Njëanshmëria e tematikës. Njëanshmëri politike. Njëanshmëria e qëndrimit të prokurorit.
2. Të qenët i njëanshëm në trajtimin e një çështjeje, në vlerësimin e diçkaje, në qëndrimin ndaj dikujt etj.; kund. paanësi. Njëanshmëri abuzive. Shfaqje njëanshmërie. Vuan nga njëanshmëria. Ankohej për njëanshmëri. Tregon njëanshmëri në gjykim.
✱Sin.: njëanësi, tendenciozitet.
SHUMANSHMËRÍ,~A f. zakon. nj. 1. Të qenët i shumanshëm; kund. njëanshmëri. Shumanshmëria e nevojave. Shumanshmëria e dijes. Shumanshmëri rrymash.
2. Tërësia e anëve dhe e shfaqjeve të ndryshme të një sendi, të një dukurie etj. Fenomenin e shqyrtoi në shumanshmërinë e tij.
✱Sin.: shumanësi, gjithanshmëri, gjithanësi.
TENDENCIOZITÉT,~I m. 1. libr. Të qenët tendencioz në sjellje, në mendime, në pikëpamje etj.; njëanshmëri e dikujt a e diçkaje; karakter tendencioz a fryma tendencioze e diçkaje; anshmëri. Tendencioziteti i punimit (i fjalimit). E tha (e bëri) me tendenciozitet.
2. art. Drejtim i caktuar ideor që ndiqet nga autori i një vepre artistike, sipas ideologjisë së tij; karakteri tendencioz që i jep autori veprës artistike; të qenët tendencioz i një vepre të tillë. Tendenciozitet i hapur. Tendenciozitet (politik, ideologjik, shoqëror). Tendencioziteti i veprës (i romanit, i operës). Temë (çështje) e trajtuar me tendenciozitet të theksuar.
✱Sin.: anshmëri, anësi, njëanshmëri.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë