Fjalori

Rezultate në përkufizime për “nivelim”

Mëso si ta përdorësh
<<< Kthehu te kërkimi kryesor në fjalor

BARASHTIM

BARASHTÍM,~I m. Veprimi kur barashtoj diçka; bërja e barabartë në të gjitha anët, nivelim, balancim. Barashtimi i barrës.

DERDHOSHJE

DERDHÓSHJ/E,~A f. 1. Gjendja kur është derdhoshur diçka; rrafshim përdhe për shkak të erës.
2. Rrahitje, sheshim, dystim i një sipërfaqeje.
✱Sin.: rrafshim, rrahitje, sheshim, dystim, shtrim, drejtim, nivelim, rroposje.

LOGIM

LOGÍM,~I m. sh. ~E, ~ET Veprimi kur sheshoj ose rrafshoj një sipërfaqeje për ta bërë të njëtrajtshme, sidomos në ndërtim, në bujqësi ose gjatë punimeve në rrugë. Logimi i terrenit u krye për të ndërtuar rrugën.
✱Sin.: rrafshim, nivelim, sheshim.

NIVELUESE

NIVELÚES/E,~JA f. sh. ~E, ~ET Makinë me lopatë gërmuese të gjerë, që shërben për gërmime, për rrafshim-nivelim të sipërfaqes së tokës, për tarracim, për prerje, për rregullim skarpatesh etj.

RRAFSHIM

RRAFSHÍM,~I m. sh. ~E, ~ET 1. Veprimi kur rrafshon ose kur rrafshohet një sipërfaqe. Të gjithë punonin në rrafshimin e tokës. Po bënin rrafshimin e disa kodrave.
2. Diçka që është bërë pa të ngritura e të ulura, diçka e sheshtë. U bë rrafshimi i ndërtesave të dëmtuara rëndë nga tërmeti.
3. fig. Eliminim i dallimeve, ndryshimeve a mospajtimeve midis dy njerëzve ose dy gjërave. E shtynë për më vonë rrafshimin e llogarive që kishin me njëri-tjetrin.
✱Sin.: rrafshitje, sheshim, drejtim, shtrim, nivelim, dystim, rroposje, limim, barazim, njëtrajtësim.

RRAFSHITJE

RRAFSHÍTJ/E,~A f. sh. ~E, ~ET Rrafshim. Rrafshitja e tokës (e truallit).
✱Sin.: sheshim, nivelim, dystim.

SHESHTIM

SHESHTÍM,~I m. sh. ~E, ~ET 1. Nivelim, sheshim. Sheshtimi i tokës kishte nisur që në behar. Punuan për sheshtimin e dheut.
2. Qepje e thjeshtë. Fustan me sheshtim të kujdesshëm.

TRASE

TRASÉ,~JA f. sh. ~, ~TË Rrugë e ngushtë, e ngjeshur, në të cilën hidhet çakëll, vihen tërthorëset dhe shtrohen binarët e hekurt, për të kaluar treni; rrip toke, i gërmuar a i ngjeshur, i pashtruar me gurë, që është hapur për rrugë automjetesh; vend nëpër të cilin kalon një rrugë, një kanal etj. Trase e gjerë (e ngushtë). Nivelim i trasesë. Traseja e hekurudhës. Hapën (shtruan) trasenë. Punime (hapje) traseje. Punojnë në trase. Eci nëpër trase.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë