Fjalori

Rezultate në përkufizime për “nikotinë”

Mëso si ta përdorësh
<<< Kthehu te kërkimi kryesor në fjalor

DUHAN

DUHÁN,~I m. sh. ~E, ~ET 1. bot. (lat. Nicotiana tabacum) Bimë barishtore njëvjeçare, me kërcell të trashë e të lartë dhe me gjethe të gjera, të cilat përmbajnë nikotinë dhe kanë shije të hidhur. Duhan i shkurtër (i gjatë).Duhan i bardhë. Duhan gërxhall.Duhan gjethemadh (gjethevogël). Duhan vjeshtak. Duhan vendi. Duhan plepi (bot.) lloj duhani që e ka gjethen si të plepit. Gjethe (lule, kërcell farë, rasat) duhani. Lehe duhani. Llojet e duhaneve. Vrugu i duhanit. Hiri i duhanit. Brumbulli (buburreci) i duhanit (zool.).
2. Gjethe të kësaj bime, të thara e të grira hollë, që përdoren për të bërë cigare ose për t'u pirë me llullë. Duhan i fortë (i butë). Duhan i keq. Duhan i tharë (i grirë, i pagrirë). Duhan çibuku. Kuti (qese) duhani. Tym duhani. Përpunimi (fermentimi) i duhanit. Vargje (dengje) me duhan. Than (grin) duhan. E mësoi duhanin filloi të pijë duhan. Pi duhan. E la duhanin nuk pi më duhan. Ndalohet duhani! Duhan i egër (lat. Hyoscyamus niger) madërgonë. Zjarri i duhanit (zjarri i egër) (bot.). Duhani ka lënë në baltë gomarin. (fj. u.). Duhani është i keq për shtëpi e shëndet. (fj. u.). Kush pi duhan në të ri, pendohet në pleqëri. (fj. u.).
3. bised. Cigare. Tavëll duhani. Dredh (ndez) një duhan. U dha nga një duhan.
♦ Në *lëmë të duhanit. E var (e vjerr) në *qese të duhanit (dikë).

NIKOTINIK

NIKOTINÍK,~E mb., kim. Që ka të bëjë me nikotinën, që përmban nikotinë, i nikotinës. Acid nikotinik.

NIKOTINIZËM

NIKOTINÍZ/ËM,~MI m., mjek. Helmim me nikotinë, helmim me duhan.

NIKOTINË

NIKOTÍN/Ë,~A f. Lëndë e helmët me erë të keqe, që gjendet në formë natyrore në gjethet e duhanit e në disa bimë të tjera dhe që në sasi të vogla është stimuluese e në sasi të mëdha është helmuese. Gishtërinj të zverdhur nga nikotina. Çaji përmban nikotinë në nivele të ulëta. Edhe cigaret elektronike përmbajnë nikotinë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë