Fjalori

Rezultate në përkufizime për “ngutësi”

Mëso si ta përdorësh
<<< Kthehu te kërkimi kryesor në fjalor

AXHELE

AXHELÉ,~JA f., bised. Ngutje, nxitim në një punë; nevoja për të kryer sa më shpejt një punë. Punë me axhele. Kam axhele. Kërkoj me axhele. Bëj me axhele. S’bëhet puna me axhele.
✱Sin.: nguti, ngutje, ngutësi, nxitim.

EMERGJENCË

EMERGJÉNC/Ë,~A f. sh. ~A, ~AT libr. Situatë që kërkon zgjidhje të menjëhershme; ngut, urgjencë. Zgjidhje të emergjencës. Problemet e emergjencës. Emergjencat e krijuara. Në rast emergjencash civile. Ndërtojmë një qendër emergjence mbështetëse në qytetin tonë.
✱Sin.: ngut, ngutësi, urgjencë.

NGUTI

NGUTÍ,~A f. Ngutje, nxitim, ngutësi, shpejtësi, vrap, ngut, nxitim, axhele. S’bëhet puna me nguti.

NGUTJE

NGÚTJ/E,~A f. sh. ~E, ~ET 1. Veprimi dhe gjendja kur ngut dikë ose kur ngutem. Ngutje e ethshme. Ngutje në punë (në marrje vendimi).
2. Ngut, nxitim. Punon me ngutje. Nga ngutja bëhen dhe gabime.
✱Sin.: nxitim, ngutësi, shpejtësi, vrap, ngut, nguti, rrëmbim, axhele.

NGUTSHËM

NGÚTSH/ËM (i), ~ME (e) mb. 1. Që kërkon një zgjidhje të shpejtë; që nuk pret të shtyhet për më vonë; urgjent. Rast i ngutshëm. Nevoja (kërkesa) të ngutshme. Problem i ngutshëm. Detyrë e ngutshme. Kam punë të ngutshme.
2. Që kryhet menjëherë e pa asnjë vonesë, që bëhet me ngutësi, i shpejtë e i menjëhershëm. Vendim i ngutshëm. Ndërhyrje e ngutshme. Bënë një mbledhje të ngutshme.
3. Që ngutet, i ngutur. Njeri i ngutshëm.
✱Sin.: jetësor, i domosdoshëm, i rëndësishëm, urgjent, i mprehtë, jetik, jetësor, therës, i shpejtë, i menjëhershëm, i rrëmbyer, i ngutur, i ethshëm.

NGUTËSI

NGUTËSÍ,~A f. 1. Nevoja për ta bërë diçka sa më parë, kërkesa për të mos u vonuar; të qenët i ngutshëm. Shkalla e ngutësisë. Kjo punë paraqit ngutësi. Ndërhyri (kërkoi) me ngutësi.
2. Nxitim i madh për të bërë diçka, ngutje; veprim i nxituar, rrëmbim, ngutje. Ngutësi e theksuar. E bëri me ngutësi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë