Fjalori

Rezultate në përkufizime për “ngushti”

Mëso si ta përdorësh
<<< Kthehu te kërkimi kryesor në fjalor

ANGËSHTI

ANGËSHTÍ,~AI f., krahin. 1. Shtrëngim nga ngushtësia. Kishte angështi jete.
2. Gjendje shpirtërore e nderë, shtrëngim i brendshëm. Kam (ndiej) angështi. Më hipën (më pushton) një angështi.
✱Sin.: ngushti, ngushticë, shtrëngesë, rëndesë, vështirësi, varfëri, skamje, tendosje, nderje, shqetësim, acarim, ankth, makth.

ANGËSHTIM

ANGËSHTÍM,~I m. 1. Veprimi kur angështoj ose kur angështohem.
2. Gjendja kur angështohem. Ngushti, ngushtesë, angështi. Kam një angështim. Vuaj nga angështimi.

NGUSHTESË

NGUSHTÉS/Ë,~A f. Ngushti.

NGUSHTI

NGUSHTÍ,~A f. 1. Varfëri e madhe, ngushticë. Ajo familje jetonte në ngushti të madhe.
2. Ndjenja e të ndjerit ngushtë; ngushtllëk. E kapi ngushtia e nuk dinte si të vepronte.

NGUSHTLLËK

NGUSHTLLË́K,~U m. Gjendje e vështirë; ngushticë, ngushtësi, ngushti. I erdhi ngushtllëk teksa pa mikun në derë të shtëpisë. Ngushtllëku të bën ta harrosh krenarinë. Ngushtllëku e fukarallëku të çojnë në derë të hasmit. (fj. u.).

VELVELE

VELVÉL/E,~JA f. sh. ~E, ~ET 1. Shqetësim, ankth, ngushti prej një halli a prej të papriturave të mundshme; merak i madh; siklet; tension. E ka kapur velvelja. I ka hyrë velvelja e shkollës. S’e di çka pati, veç e kapi velvelja.
2. Synim, dëshirë, ambicie. Njeri me velvele. I ka hyrë velvelja për të vazhduar studimet. I ka hyrë velvelja për plazh.
✱Sin.: vërlimë, valavicë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë