Fjalori

Rezultate në përkufizime për “ngujuar”

Mëso si ta përdorësh
<<< Kthehu te kërkimi kryesor në fjalor

KYÇUR

KÝÇUR (i, e) mb. 1. Që është mbyllur brenda me kyç. Portë (derë) e kyçur.
2. edhe fig. I përmbyllur. Çështje e kyçur.
✱Sin.: i mbyllur, i kyçosur, i ngujuar, i izoluar.
♦ E ka (e mban) gojën të kyçur (dikush) shih e ka (e mban) gojën të mbërthyer (dikush). Me *zemër të kyçur.

KYÇUR

KÝÇUR ndajf. Mbyllur; brenda me kyç. Kanë mbetur kyçur.
✱Sin.: mbyllur, ngujuar.

NGUJAN

NGUJÁN,~I m. sh. ~A, ~AT I ngujuar, ngujimtar. - U çlirofsh, ngujani i nënës!

NGUJIMTAR

NGUJIMTÁR,~I m. sh. ~Ë, ~ËT Ai që është i ngujuar në shtëpi; i ngujuar, ngujan. Ata janë ngujimtarë, janë në gjak.
✱Sin.: i ngujuar, ngujan.

NGUJOHEM

►NGUJ/ÓHEM jovep., ~ÓVA (u), ~ÚAR 1. vetv. Mbyllem brenda në një kullë, kështjellë etj. për t’u mbrojtur a për të luftuar; mbetem i mbyllur diku. Ngujoheshin ndër kulla. U ngujuan në kala (në kështjellë). U ngujuan për luftë. - Mos u ngujo në shtëpi! mos qëndro vazhdimisht brenda, pa lëvizur nga shtëpia.
2. vetv. Mbyllem brenda për një kohë të gjatë për t’u ruajtur nga gjakësi. U ngujua për dhjetëra vite. U ngujuan të dy djemtë e familjes.
3. vetv. Ngulem në një vend të përshtatshëm e nuk shkulem që aty, zë vend mirë. U ngujuan në një pritë (pas një shkëmbi). U ngujuan në rrëzë të kodrës.
4. vetv., vet. v. III Bllokohet (një vegël etj.). I është ngujuar pushka.
5. vetv. I fiksohet dikujt diçka; i bëhet fiksim. I është ngujuar të shkojë në atë vend.
6. pës. e NGUJÓJ. Gjakësia ia ngujoi djemtë.
✱Sin.: mbyllem, kyçem, kyçosem, ndryhem, ngulem, bllokohet, fiksohem, gozhdohem, mbërthehem.

NGUJOJ

NGUJ/ÓJ vep., ~ÓVA, ~ÚAR kal. 1. Mbyll mirë derën me shul a me ndonjë mjet tjetër që të mos hapet, kyç, zë. Ngujoi derën. E ngujoi me shul (me dry).
2. Mbyll brenda në një kështjellë, kullë etj. dhe nuk e lë të dalë; mbaj të rrethuar në një vend. E ngujuan në shtëpi (në kullë). E ngujuan armikun në fortesë. Na ngujoi të ftohtët (dëbora, shiu) u mbyllëm në shtëpi nga të ftohtët (nga dëbora, shiu), nuk dalim dot jashtë, mbetëm brenda.
3. Pengoj dikë dhe nuk e lë të bëjë lëvizje ose të ecë, mbërthej në vend, gozhdoj. Ia ngujoi (ia lidhi, ia zuri) këmbët. E ngujuan armikun. E ngujoi në vend.
4. fig. E mbaj të fshehtë diçka që ma thonë në mirëbesim. E ka ngujuar atë që i the, ai është pus.
✱Sin.: mbyll, kyç, kyços, ndryj, zë, rrethoj, pengoj, mbërthej, gozhdoj.

NGUJUAR

NGUJÚAR (i, e) mb. 1. Që është mbyllur me diçka për të mos u hapur. Derë (shtëpi) e ngujuar.
2. Që është mbyllur në një kullë, kështjellë etj. për t’u mbrojtur; që mbahet i rrethuar nga forca të jashtme. I ngujuar në kullë (në kështjellë, në kala). I ngujuar nën dëborë.
3. I mbërthyer në vend, që nuk lëviz dot nga vendi, i ngulur, i gozhduar. I ngujuar në shtrat nga paraliza. Me sytë e ngujuar në atë skenë. Mbeti i ngujuar.
✱Sin.: i mbyllur, i kyçur, i rrethuar, i mbërthyer, i ngulur, i gozhduar.

NGUJUAR

NGUJÚAR ndajf. Në gjendje të mbyllur, të ngujuar; mbyllur. E shkoi jetën ngujuar në kullë. Rri ngujuar në dhomën e saj. Ngujuar mes katër mureve.

NGUJUES

NGUJÚES,~I m. sh. ~, ~IT Ai që mban të ngujuar apo të rrethuar dikë; rrethues. Ngujuesi i familjes përfundon në psikiatri. Orteku, ngujuesi i një fshati të tërë.

RRETHAKUAR

RRETHAKÚAR (i, e) mb. I rrethuar. U ndie i rrethakuar.
✱Sin.: i qarkuar, i mbyllur, i gardhuar, i rrethatuar, i bllokuar, i ngujuar.

RRETHATUAR

RRETHATÚAR (i, e) mb. I rrethuar. Kështjellë e rrethatuar.
✱Sin.: i qarkuar, i mbyllur, i gardhuar, i rrethakuar, i bllokuar, i ngujuar.

RRETHUAR

RRETHÚAR (i, e) mb. 1. Që ka përreth një gardh a një mur. Oborr i rrethuar. Shtëpi e rrethuar. Ara të rrethuara.
2. Që ka rreth e përqark trupa ushtarake kundërshtare. Qytet i rrethuar. Kështjellë e rrethuar. Ushtri e rrethuar.
✱Sin.: i qarkuar, i mbyllur, i gardhuar, i rrethakuar, i rrethatuar, i bllokuar, i ngujuar.

VENDNGUJIM

VENDNGUJÍM,~I m. sh. ~E, ~ET 1. vjet. Vendi ku mund të mbyllet njeriu brenda në shtëpi, në kullë, në kështjellë etj., për t’u mbrojtur nga gjakësi, gjakmarrja a për të luftuar; vendi diku ku mbetet i ngujuar dikush etj. Vendngujimi në kullën e ngujimit.
2. Vend i përshtatshëm ku mund të hyjë dikush, duke zënë vend mirë për t’u mbrojtur a për të luftuar. E gjetën një vendngujim në gji të një shkëmbi. Gjetën vendngujim në një tunel.

ZGAFELLE

ZGAFÉLL/E,~JA f. sh. ~E, ~ET [ZGAFÉLL/Ë,~A f. sh. ~A, ~AT] Gropë a vrimë e madhe në një mal, në një kodër etj., shpellë, guvë. Zgafelle e errët. Vend me zgafelle. Zgafellja e minierës. Balta dhe gurët e zgafellës. Minatorët e Trepçës ishin ngujuar në zgafellë. Hyri në një zgafelle. Ishim në një zgafellë të dy. S’ka zgafelle më të errët se kjo. Do të gjente mënyrën për të dalë nga zgafellja.

ZGËQ

ZGËQ,~I m. sh. ~E, ~ET 1. Vend i ngushtë, copë vend. Një zgëq vend. Dhomë sa një zgëq. Zgëqe poshtë shkallëve. Veç të ikësh nga ai zgëqi ku jeton prej një jete. Zgëqe të pabanuara anës rrugës.
2. Qoshe e fshehtë, skutë. Zgëqet e fshehta. Zgëqet e shtëpisë (e anijes). U fsheh (u struk) në një zgëq. I ngujuar në zgëqin e tij.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë