Fjalori

Rezultate në përkufizime për “ngopem”

Mëso si ta përdorësh
<<< Kthehu te kërkimi kryesor në fjalor

BACKOSEM

►BACKÓSEMI jovep., ~A (u), ~UR 1. vetv. Ha e pi jashtë mase; ngopem, urgusem. Hëngra shumë e u backosa.
2. pës. e BACKÓSI.
✱Sin.: ngopem, dendem, barkosem, zhdëpem, ngjishem, fryhem, fahem, velem, shembem, mbathem.

BAJALLDISEM

►BAJALLDÍS/EM jovep., ~A (u), ~UR 1. vetv. Më bie të fikët, më përzihet nga të ngrënët e tepërt; më vjen (kam) bajalldi; mekem; velem nga diçka, ngopem shumë, më bie bajalldi. U bajalldis nga mishi i derrit.
2. pës. e BAJALLDÍS.
✱Sin.: velem, velitem, stërngopem, mekem, lëmekem, vilanosem, laps.

BUKOHEM

►BUK/ÓHEM jovep., ~ÓVA, ~ÚAR 1. vetv. Ha bukë; ngopem me bukë, ushqehem, mëkohem. U bukuan në shtëpi. Janë skamnorë, veç kur vijnë të korrat bukohen.
2. pës. e BUKÓJ2.

BULLAFIQEM

►BULLAFÍQ/EM jovep., ~A (u), ~UR 1. vetv. Fryhem, bëhem bullafiq. - Ç’qenke bullafiqur në këtë ditë?! - Ka ngjarë nga i ati, pa është bullafiqur kështu.
2. vetv., bised. Ha e pi jashtë mase; ngopem, ënjtem, mbufatem. U bullafiq mëshqerra nga jonxha e njomë.
3. pës. e BULLAFÍQ.
✱Sin.: ënjtem, fryhem, mbufatem, ngjishem, urgusem, barkosem, dendem, shembem, mullosem, shqepem, zhdëpem, rrumbullakosem, rrasem.

CALIKOHEM

►CALIK/ÓHEM jovep., ~ÓVA (u), ~ÚAR 1. vetv. Ha e pi sa s’mbaj më, ngopem.
2. pës. e CALIKÓJ.
✱Sin.: dendem, ngjishem, mullosem, shqepem, zhdëpem.

CITEM

►CÍT/EM jovep., ~A (u), ~UR vetv. Ngopem mirë, dendem.
✱Sin.: rraset, ngjeshet, tryset, urgusem, mullosem, fryhem, ënjtem, zhdëpem, cicem.

DEJOHEM

DEJ/ÓHEM jovep., ~ÓVA (u), ~ÚAR 1. vetv. Pi shumë; ngopem tej mase; dehem nga pija a ushqimi.
2. pës., vet. v. III e DEJÓJ.

DENDEM

►DÉND/EM jovep., ~A (u), ~UR bised. 1. vetv. Ngopem mirë e mirë, shembem duke ngrënë, zhdëpem, e bëj barkun spathi. U dend me ëmbëlsira (me fasule, me rrush). Hëngri e piu sa u dend.
2. vetv. Ngopem mirë me gjumë; fle shumë, më ngopet syri me gjumë. U dend me gjumë.
3. vetv. Fryhem nga të qarët, lahem me lot. Qau sa u dend.
4. vetv. Futem duke u ngjeshur bashkë me të tjerë në një vend të mbyllur a të rrethuar, rrasem. U dendën në autobus. U dendën dhentë në vathë.
5. vetv., vet. v. III Dendësohet. U dend mjegulla.
6. pës., vet. v. III e DEND5.
✱Sin.: rraset, thuket, citet, ngopem, zhdëpem, fryhem, ngjishem, ënjtem, shembem, shqepem, rrasem, rrafshohem, zhulatem, citem, ngopem, dendësohet, rrihem.

DINGOSEM

►DINGÓS/EM jovep., ~A (u), ~UR bised.,vetv. Ngopem, dendem. Është dingosur në dasmë. Ishte dingosur sa nuk merrte frymë.

DUFITEM

►DUFÍT/EM jovep., ~A (u), ~UR vetv. 1. Më zihet a më mbahet fryma, nuk ngopem me ajër.
2. fig. Tërbohem nga inati, kreshpërohem; dufohem.

ERDHAHEM

ERDHÁH/EM jovep., ~A (u), ~UR vetv. Ngopem, fahem.

FRYHEM

►FRÝ/HEM jovep., ~VA (u), ~RË vetv. 1. Ënjtem (nga një sëmundje, nga një goditje etj.). Është fryrë i tëri. Iu fry barku.
2. bised. Ngopem me të ngrënë, më mbushet barku. Hëngri sa u fry.
3. v. III Shtohet sasia e ujit (të përrenjve, të lumenjve etj.); ngrihet niveli i ujit. U frynë lumenjtë (përrenjtë) nga shirat.
4. v. III Bymehet; mbufatet nga uji a nga një lëng tjetër. Qenkan fryrë dritaret e nuk u mbyllkan.
5. bised. Shëndoshem shumë; ngjallem; majmem. Është fryrë shumë.
6. fig. Mbahem me të madh, krekosem e shes mend përpara të tjerëve. Fryhet si gjeli majë plehut.
7. Më hipën inati; zemërohem. Ishte fryrë sa s'flitej me të.
8. pës. e FRYJ.
✱Sin.: ënjtem, ngopem, mbushem, mbufatem, urgusem, shëndoshem, ngjallem, majmem, dendem, mbathem, ngjishem, shembem, mullosem, rrushkullohem, rrumbullakosem, rrasem, krekosem, zemërohem.
♦ M’u fry *koka. Iu frynë *tëmthat (dikujt). M’u fry (m’u ënjt) *zemra. U fry si qumësht u zemërua shumë, u inatos keq.

FURNIZOHEM

►FURNIZ/ÓHEM jovep., ~ÓVA (u), ~ÚAR 1. Marr mallra të ndryshme e sendet e nevojshme për punë ose për tregtim; blej sende ushqimore për shtëpinë; ha e pi sa ngopem; mbush serbatorin e makinës me karburant. Furnizohen çdo javë. U furnizova mirë me ushqime para se të udhëtoja. Ishin furnizuar për festa. U furnizova me naftë.
2. pës. e FURNIZÓJ.

FURNIZOJ

FURNIZ/ÓJ vep., ~ÓVA, ~ÚAR kal. I jap dikujt mallra të ndryshme e sendet e nevojshme për punë ose për tregtim; blej sende ushqimore për shtëpinë; ha e pi sa ngopem; mbush serbatorin e makinës me karburant. Furnizoj restorantin. E furnizojnë rregullisht (pa ndërprerje). Furnizoj shtëpinë. E furnizoi barkun plot. E paska furnizuar makinën.

GJERANGOPEM

►GJERANGÓP/EM jovep., ~A (u), ~ÚR vetv. Dendem a ngopem me ushqim.

GRAZHDOHEM

►GRAZHD/ÓHEM jovep., ~ÓVA (u), ~ÚAR 1. vetv. Ha mirë, ngopem.
2. pës. e GRAZHDÓJ.
✱Sin.: ngopem, mashtrohem.

KËRDISEM

►KËRDÍS/EM jovep., ~A (u), ~UR bised. 1. vetv. Lodhem a mundohem shumë, duke bërë një punë të rëndë; sfilitem. U kërdisa në punë.
2. vetv. Iki, shpërndahem bashkë me të tjerë në mënyrë të çrregullt; largohem nga sytë këmbët; mërgoj; çakërdisem. U kërdisëm larg.
3. fig., vetv. Ngopem jashtë mase me diçka; shqepem së ngrëni. Jam kërdisur së ngrëni (së piri).
4. fig., vetv. Kaloj masën e duhur. U kërdisem së qeshuri.
5. pës. e KËRDÍS.
✱Sin.: sfilitem, çakërdisem, shqepem.

KËRPITEM

►KËRPÍT/EM jovep., ~A (u), ~UR 1. vetv. Ha e pi me kujdes ose pak e nga pak.
2. Ngopem. U kërpita së ngrëni këtu.
3. edhe fig., vetv. Rregullohem, stolisem e pispillosem; akomodohem mirë.
4. pës. e KËRPÍT.
✱Sin.: ngopem, stolisem.

KËRTYLEM

►KËRTÝL/EM jovep., ~A (u), ~UR vetv. bised. 1. Ngopem me të ngrëna. U kërtyla me rrush.
2. edhe fig. Ngopem, mbushem plot me diçka; më plotësohen të gjitha dëshirat; përmbushem.
✱Sin.: ngopem, përmbushem.

LLAHEM

►LLÁ/HEM jovep., ~VA (u), ~RË bised. 1. vetv. Ngihem; mbushem gjer në grykë (me të ngrëna); ngopem mirë. Toka ishte llarë me gjithë atë shi që ra.
2. vetv. Thuhet për lopën e bagëtitë e tjera, kur rrinë shumë orë pa u mjelë, ose pa ua pirë qumështin të vegjlit e tyre. Lopën kur llahet duhet ta mjelësh se sëmuret.
3. pës. e LLAJ.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë