Fjalori

Rezultate në përkufizime për “ngazëllyer”

Mëso si ta përdorësh
<<< Kthehu te kërkimi kryesor në fjalor

GALDUAR

GALDÚAR (i, e) mb. Që është gëzuar pa masë, i ngazëllyer.
✱Sin.: i gëzuar, i ngazëllyer, gazplotë.

GËZUAR

GËZÚAR (i, e) mb. 1. Që ndien a ka gëzim, që është gjithë gaz. Djalë i gëzuar. Njerëz të gëzuar.
2. Që shpreh gëzim e hare; i gëzueshëm, i qeshur. Fytyrë e gëzuar. Sy të gëzuar.
3. Që kalohet a është kaluar me gëzime, i gëzueshëm. Jetë e gëzuar. Ditë të gëzuara.
4. Që të ngjall gëzim, që të gëzon, që të mbush me gaz e hare, i gëzueshëm, gazmor. Lajm i gëzuar. Ngjarje e gëzuar.
✱Sin.: i gëzueshëm, i hareshëm, gazmor, i gazmendshëm, fytyrëçelur, fytyrëqeshur, gazplotë, gëzimplotë, i ngazëllyer, i ngazëlluar, i kënaqur, i çelur, i buhishëm, i shkrifëruar, i trëndafiltë, i pabrengë, i pahall, i padert, hareplotë, nurbardhë, xhenet, i qeshur.
♦ Me *zemër të gëzuar.

NGAZËLLUAR

NGAZËLLÚAR (i, e) mb. I gëzuar pa masë për diçka, që e ka pushtuar një hare e madhe; që shpreh gëzim të thellë për diçka. Zëra të ngazëlluar. Britma të ngazëlluara. Njeri i ngazëlluar. I ngazëlluar nga pamja para syve.
✱Sin.: i gëzuar, i ngazëllyer, i pabrengë, i pahall, i padert, pamjeçelur, i gazmendshëm, gazmor, gazplotë, nurbardhë.

NGAZËLLYER

NGAZËLLÝER (i, e) mb. I ngazëlluar. Ndjehet (është) i ngazëllyer. I ngazëllyer nga suksesi (nga fitorja).

SHENDEM

SHÉND/EM jovep., ~A (u), ~UR vetv. Ndihem i ngazëllyer, shendohem. Gëzohem e shendem. Shendem kur lexoj libra të bukur. Shendet për fatin që e ndoqi.
✱Sin.: ngazëllehem, shendohem, gëzohem, galdohem, gazmendem, lumturohem, kënaqem.

SHENDUR

SHÉNDUR (i, e) mb. Që është i ngazëllyer, shumë i lumtur; që është shendur. Duket se ndihej i shendur. Fytyrë e shendur. Lajm i shendur. Erdhi dita e shendur.
✱Sin.: i ngazëllyer, i gëzuar, i gazmendshëm, i galdueshëm, i hareshëm, gazplotë, nurbardhë, i shendshëm.

ZEMËRNDEZUR

ZEMËRNDÉZUR mb., poet. Që i është ndezur zemra nga një qëllim fisnik, nga një ndjenjë e lartë etj., që i është çuar zemra peshë; i ngazëllyer.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë