Fjalori

Rezultate në përkufizime për “ngazëllohem”

Mëso si ta përdorësh
<<< Kthehu te kërkimi kryesor në fjalor

GALDOHEM

►GALD/ÓHEM jovep., ~ÓVA (u), ~ÚAR vetv. Gëzohem shumë, ngazëllohem.

GALDOJ

GALD/ÓJ vep., ~ÓVA, ~ÚAR jokal. Gëzohem fort, mbushem me gëzim, ngazëllohem. Galdojnë fëmijët. Fytyrat e besimtarëve galdonin. Më galdon zemra gëzohem pa masë. Një fllad i vogël më galdoi zemrën. Kush punon, galdon (fj. u.).
✱Sin.: gëzoj, ngazëllohem.

GËZOHEM

►GËZ/ÓHEM jovep., ~ÓVA (u), ~ÚAR 1. vetv. Ndiej gëzim, më mbushet zemra me gëzim. Gëzohem shumë (pa masë). Gëzohet me gjithë shpirt. Gëzohem që u njohëm. Gëzohem që ju shoh. U gëzofsh! (ur.) paç gëzim!
2. vetv. I shoh të mirën a dobinë dikujt a diçkaje; gjej kënaqësi e gëzim pranë dikujt a diçkaje; ndiej gëzim për diçka. I gëzohet djalit (nuses). I gëzohet shtëpisë së re. I gëzohen punës.
3. vetv., vet. v III (me një trajtë të shkurtër të përemrit vetor në r. dhanore) Mbushet me gëzim, kënaqet. Më gëzohet zemra (shpirti). T’u gëzoftë zemra!
4. pës. e GËZÓJ.
✱Sin.: galdohem, ngazëllohem, ngazëllehem, gazmohem, kthjellohem, shkrifërohem, kënaqem.

NGAZËLLEHEM

►NGAZËLL/ÉHEM jovep., ~ÉVA (u), ~ÝER 1. vetv. Ngazëllohem. U ngazëllyen të gjithë.
2. pës. e NGAZËLLÉJ. U ngazëlluan nga lajmi.

NGAZËLLOHEM

►NGAZËLL/ÓHEM jovep., ~ÓVA (u), ~ÚAR 1. vetv. Ndiej një gëzim të thellë për diçka; shfaq një gëzim të madh. Ngazëlloheshin për fitoren. Me ta parë ajo u ngazëllua shumë. Ngazëllohem për arritjet e tua.
2. pës. e NGAZËLLÓJ. U ngazëlluan të gjithë nga ky lajm.
✱Sin.: ngazëllehem, gëzohem, galdohem, galdoj, gazmoj, shendohem.

SHENDOHEM

►SHEND/ÓHEM jovep., ~ÓVA (u), ~ÚAR vetv. Mbushem me gëzim, ngazëllohem. Erdhi dita të shendohemi. Shendohet si fëmijë. Mos u shendoni para kohe. Kur je shendur për herë të fundit?
✱Sin.: ngazëllohem, galdohem, gazmohem, gëzohem, lumturohem, kënaqem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë