Fjalori

Rezultate në përkufizime për “ngath”

Mëso si ta përdorësh
<<< Kthehu te kërkimi kryesor në fjalor

BIZHAT

BIZHÁT vep., ~A, ~UR krahin., jokal. 1. vet. v. III Bën që të më shkojnë të dridhura të menjëhershme në trup; ngjeth, përqeth, drithëroj. Më bizhati krahu.
2. Bëj që të mpihet (trupi a një pjesë e tij); ngath, ngrij, drunoj.
✱Sin.: ngjeth, rrëqeth, përqeth, drithëroj, mpij, drunoj, ngath, ngal, athëtoj.

NGATH

NGATH vep., ~I, ~UR kal., vet. v. III 1. Mpin. E ngathi të ftohtët. Ia ngathi duart akulli. Ia ngathi gjuhën rakia. Ky mot i vranët të ngath.
2. E bën dikë të ngathët, të plogët, e bën që të humbasë shkathtësinë, plogështon; kund. shkath. E ka ngathur rehatia. Dramacitet që t’i ngath ndjenjat.
✱Sin.: mpij, plogështoj, topis.

NGATH

NGATH,~I m. Mpirje, paralizim gjymtyrësh. Ngathi i keq.

NGATHEM

►NGÁTH/EM jovep., ~A (u), ~UR 1. vetv. Mpihem nga të ftohtët, nga një sëmundje etj.; lëviz me vështirësi trupin ose gjymtyrët. M’u ngathën duart (këmbët). Iu ngath goja (gjuha). Është ngathur i tëri.
2. vetv. Bëhem i ngathët, humbas shkathtësinë; plogështohem, bëhem i plogët; kund. shkathem. Është ngathur këto kohët e fundit. Nuk zë më gjë me dorë, është ngathur fare.
3. pës. e NGÁTH. Maçoku ishte ngathur nga pesha e tepërt.
✱Sin.: mpihem, topitem, ngalem, plogështohem.

NGATHJE

NGÁTHJ/E,~A f. Veprimi kur ngath a kur ngathem, ngathtësim, topitje. Ngathje në të folur (në të ecur). Ngathje e aktivitetit të përditshëm.
✱Sin.: ngathtësi, ngathtësim, topitje.

NGATHTËSOJ

NGATHTËS/ÓJ vep., ~ÓVA, ~ÚAR kal. Bëj të ngathët, bëj të plogët, ngath. Problemi në zemër e kishte ngathtësuar. Të qenët pa punë e ka ngathtësuar shumë.

PLOGËSHTOJ

PLOGËSHT/ÓJ vep., ~ÓVA, ~ÚAR kal. 1. E bëj dikë të plogësht, i jap plogështi. Gjumi të plogështon.
2. Ia ul forcën, e topit. Nuk arriti t’ia plogështonte vullnetin.
✱Sin.: plog, ngath, topit, rëndoj, mpij, ndryshk, ngathtësoj, dobësoj, topis.

SHKATH

SHKATHI vep., ~A, ~UR kal. 1. Ngroh duart a ndonjë pjesë të trupit, shpij atë pjesë që është mpirë, duke e fërkuar, duke lëvizur etj. Shkath këmbët në zjarr (kur me ngrijnë nga të ftohtët). E fërkoi që ta shkathte.
2. fig. E gjallëroj dikë, e bëj më të zhdërvjellët, e çel, e zhvilloj dikë; kund. ngath. E shkathi puna. Sporti të shkath. Shahu ia shkathi mendjen.
✱Sin.: shpij, shkathtësoj, zhdërvjell, zhdërvjellësoj, çel, zhvilloj.

ZGATH

ZGATH vep., ~A, ~UR kal. 1. Ngroh pak ujin etj.; vak. - Zgathe pak tamlin!
2. Shpij, shkath; kund. ngath. Zgath këmbët (krahët). Zgath trupin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë