Fjalori

Rezultate në përkufizime për “ngallitur”

Mëso si ta përdorësh
<<< Kthehu te kërkimi kryesor në fjalor

NGALLIT

NGALLÍT (NGALLÍS) vep., ~A, ~UR 1. kal. Shpoj dikë me një kashtë a thupër me majë.
2. fig., kal. Ther me fjalë dikë, ngacmoj, gërgas. Iu tek ta ngalliste. Mos e ngallit!
3. jokal., vet. v. III Nxjerr ngallë, ngallon. Kanë ngallitur qepët. Ngalliti lulja.
4. fig., jokal. Fillon të zhvillohet a të rritet diçka; ngrihet a ndërtohet diçka në një vend ku më parë s’kishte asgjë. Po i ngallitin dhëmbët foshnjës. Ka ngallitur një qytet i ri. Vepra ngalliti e shkruar në dialekt.
5. kal. Nxis, shtyj. E ngalliti të shoqen për ta pranuar ofertën. Kush të paska ngallitur kështu?
✱Sin.: shpoj, ngacmoj, ther, filizon, ngrihet, rritet, ndërtohet.

NGALLITEM

►NGALLÍT/EM jovep., ~A (u), ~UR 1. vetv. Jepem me zjarr pas diçkaje, i vihem me gjithë shpirt një pune. U ngallit pas projektit që ideoi vetë. Është ngallitur pas parasë.
2. vetv. Ngacmohem, ngucem miqësisht; cokrrohem. Nisën shokët të ngalliteshin me njëri-tjetrin.
3. vetv. Ngjallet, merr jetë, mbahet gjallë, ngrihet. Do të ngallitet si filizi i trëndafilit. U ngallit familja. Nisi t’i ngallitet përsëri në kujtesë fytyra e saj. Ngallitet prej asaj bashkësie.
4. pës. e NGALLÍT. U ngallit nga shokët për ta bërë atë veprim.
✱Sin.: rritem, gjallërohem, ngjallem, këndellem, kërthndezem, jeshitem, matos, përmbysem, pingalosem, shprehem, taftis.

NGALLITUR

NGALLÍTUR (i, e) mb. Që është ngallitur. I ngallitur nga shokët. I ngallitur nga një sherr banal.
✱Sin.: i ngacmuar, i shtyrë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë