Fjalori

Rezultate në përkufizime për “nesërm”

Mëso si ta përdorësh
<<< Kthehu te kërkimi kryesor në fjalor

ARDHSHËM

ÁRDHSH/ËM (i), ~ME (e) mb. 1. Që vijon menjëherë pas së tashmes; që do të vijë a do të ndodhë pas së tashmes, që pritet pas së sotmes; kund. i shkuar. Koha e ardhshme. Pesëvjeçari i ardhshëm. Vitin e ardhshëm. Në javën e ardhshme. Në mbledhjen e ardhshme. Në numrin e ardhshëm të gazetës.
2. Që do të jetë a që do të bëhet i tillë në kohën që vjen; i nesërm. Mësues i ardhshëm. Bashkëshortët e ardhshëm.
3. krahin. I ardhur5,6. Njeri i ardhshëm. I ardhshëm me këdo. Me trup të ardhshëm.

DJESHËM

DJÉSH/ËM (i),~ME (e) mb. 1. Që ka qenë, ka ndodhur a është bërë dje, që i përket ditës para së sotmes; kund. i nesërm. Dita (data) e djeshme. Mbledhja (shfaqja) e djeshme. Dreka (darka, festa, pritja, vizita, ngjarja) e djeshme. Bora (era) e djeshme. Shiu i djeshëm. Gjatë ditës së djeshme.
2. Që ka qenë, ka ndodhur a është bërë në një të kaluar të afërt; që i përket një të kaluare jo të largët; i dikurshëm, i kaluar. Jeta (puna, shkolla) e djeshme. Këngët e djeshme. Fshati i djeshëm s’është më.

EDUKATOR

EDUKATÓR,~I m. sh. ~Ë, ~ËT Ai që merret me edukimin e dikujt (zakonisht të fëmijëve dhe të nxënësve). Mësues dhe edukator i aftë. Vlerat e tij si edukator. Përgatiti edukatorët e nesërm të kombit. Kisha edukatorë dy vëllezër.
✱Sin.: edukues, mësues, arsimtar, mentor.

NESËRM

NÉSËRM (i), ~E (e) mb. 1. Që vjen fill pas ditës së sotme; që i përket ditës pas së sotmes; kund. i djeshëm. Dita e nesërme. Data e nesërme. Puna e nesërme. Udhëtimi i nesërm. Mësimet e nesërme.
2. Që i përket një të ardhmeje të afërt; që do të jetë në një të ardhme të afërt, i ardhshëm, i së ardhmes. Shqipëria e nesërme. Doktorët e nesërm. Mësuesit e nesërm.

PASMËNGJES

PASMËNGJÉS,~I m. sh. ~E, ~ET Koha menjëherë pas mëngjesit. Pinë kafen e pasmëngjesit. Shihemi pasmëngjesin e nesërm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë