Fjalori

Rezultate në përkufizime për “nervozohem”

Mëso si ta përdorësh
<<< Kthehu te kërkimi kryesor në fjalor

AVOSEM

►AVÓS/EM jovep., ~A (u), ~UR vetv. Mbushem inat, më ngrihen nervat, më prishet qejfi.
✱Sin.: nxehem, inatosem, zemërohem, pezmatohem, nervozohem.

BUHAVITEM

►BUHAVÍT/EM jovep., ~A (u), ~UR bised. 1. vetv. Ënjtem, fryhem (zakonisht për trupin dhe për pjesët e tij); mbufatem. Iu buhavitën këmbët (gjunjët). Iu buhavit barku. Iu buhavitën sytë. U buhavit plaga. Një faqe i ishte buhavitur.
2. vetv., fig., keq. Mërzitem së tepërmi, fryhem nga diçka e padëshirueshme, më pëlcet buza; marr inat, inatosem, më hipin kacabunjtë. U buhavita nga fjalët. U buhavit keqas.
3. pës. e BUHAVÍT.
✱Sin.: ënjtem, fryhem, mbufatem, mërzitem, bezdisem, sëkëlldisem, sëndisem, urgusem, inatosem, nxehem, ndizem, acarohem, nervozohem, hundohem, trumhasem, indinjohem, hidhërohem, pezmatohem, tërbohem, egërsohem, thartohem, tukeqem.

BËRKATEM

►BËRKÁT/EM jovep., ~A (u), ~UR 1. vetv. Zemërohem menjëherë, më hipin kacabunjtë; inatosem (kur ndodh diçka jo e mirë a kur thuhen fjalë që më prekin). - Mos u bërkat he burrë, se s’të ka hije! - Pse u bërkat, çka e gjeti?
2. pës. e BËRKÁT.
✱Sin.: zemërohem, inatosem, acarohem, nervozohem, pezmatohem, tërbohem.

HAMULLOHEM

►HAMULL/ÓHEM jovep., ~ÓVA (u), ~ÚAR vetv. (me trajtë të shkurtër përemërore) I vërsulem dikujt, i derdhem, i lëshohem me zemërim. Iu hamulluan njëri-tjetrit.
✱Sin.: inatosem, nxehem, zemërohem, acarohem, nervozohem, hungërohem, tërbohem, pezmatohem, egërsohem, ashpërsohem.

HANOSEM

►HANÓS/EM jovep., ~A (u), ~UR vetv. Nervozohem, acarohem, dal nga vetja.

HUJITEM

►HUJÍT/EM jovep., ~A (u), ~UR 1. vetv. Zemërohem; hidhërohem.
2. pës. e HUJÍT.
✱Sin.: zemërohem, inatosem, nxehem, acarohem, nervozohem, hundohem, tërbohem.

KRESHPËROHEM

►KRESHPËR/ÓHEM jovep., ~ÓVA (u), ~ÚAR 1. vetv., vet. v. III I ngrihet përpjetë kreshta dhe kurrizi (për macen, tigrin etj.); kurmëzohet. U kreshpërua macja.
2. edhe fig., vetv. (edhe me trajtë të shkurtër përemërore) Tërbohem; egërsohem; i hakërrehem dikujt. U kreshpërua nga inati. Iu hakërrye të atit (të birit).
3. pës., vet. v. III e KRESHPËRÓJ.
✱Sin.: kurmëzohet, tërbohem, egërsohem, nervozohem, hakërrehem, kërcënohem.

NEVRIKOSEM

►NEVRIKÓS/EM jovep., ~A (u), ~UR 1. vetv. Më ngrihen nervat, më acarohen nervat, bëhem nevrik, zemërohem dhe përgjigjem e sillem pa e përmbajtur veten. U nevrikos rëndë. Nevrikoset për hiçmosgjë. Me të drejtë nevrikosej.
2. pës. e NEVRIKÓS. U nevrikos nga tekat e të birit.
✱Sin.: zemërohem, inatosem, tërbohem, nxihem, sterrosem, shkumëzoj, shkumëzohem, shkumoj, shkumohem, nxehem, ndizem, pezmatohem, nervozohem, acarohem.

TALLFANISEM

►TALLFANÍS/EM jovep., ~A (u), ~UR bised., vetv. Zemërohem, nervozohem, rrëmbehem, inatosem (me dikë); zemërohem prej dikujt dhe reagoj keq. Tallfaniset për hiçasgjë. Janë tallfanisur qysh dje e nuk flasin.
✱Sin.: pezmatohem, zemërohem, nervozohem, rrëmbehem, inatosem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë