Fjalori

Rezultate në përkufizime për “nervozizëm”

Mëso si ta përdorësh
<<< Kthehu te kërkimi kryesor në fjalor

ARÇUKE

ARÇÚK/E,~JA f. sh. ~E, ~ET Ajo që ka mungesë përqendrimi, që nuk mund ta përqendrojë vëmendjen, që është e pakujdesshme. Arçukja lëvizte duart me nervozizëm.

BËRKATJE

BËRKÁTJ/E,~A f. 1. Veprimi kur bërkat dikë a kur bërkatem.
2. Gjendja kur bërkatim dikë a kur bërkatemi; ndjenja që na pushton kur zemërohemi. - Ç'është kjo bërkatje që të ka pushtuar?
✱Sin.: zemërim, inat, mllef, acari, zemëratë, mëri, maraz, nervozizëm, indinjatë, pezëm, pezmatim, kreshpërim, tërbim, vrer, lëndi.

DRUTH

DRUTH,~III m. Zemërim, inat. E zuri druthi.

✱Sin.: zemërim, inat, pezëm, pezmatim, nervozizëm.

EGËRSUAR

EGËRSÚAR (i, e) mb. 1. Që është bërë më i egër (për një kafshë), që është egërsuar; kund. i zbutur. Kafshë e egërsuar. Bisha të egërsuara. Luanët e egërsuar.
2. Që është zemëruar shumë a është tërbuar (për një njeri); kund. i zbutur. Me pamje të egërsuar. Sytë e egërsuar të ushtarit. I egërsuar, zuri të qëllojë me grushte. Iegërsuar tërhiqte me nervozizëm mustaqet.
3. Që është bërë më i ftohtë a më i ashpër (për motin). Mot i egërsuar.
4. Që e ka shtuar fuqinë dhe intensitetin me të cilin shfaqet zakonisht (për dukuritë natyrore). Det (lumë) i egërsuar. Përrua i egërsuar. Përplasjet shurdhuese të dallgëve të egërsuara. Zjarre të egërsuara pushtuan vendin.
✱Sin.: i egër, egëran, egërcak, i pazbutur, i zemëruar, i tërbuar, mizor, i papërmbajtur, i pamëshirshëm, i ftohtë, i ashpër, i acartë, i akullt.

FTIGË

FTÍG/Ë,~A f. 1. mjek. Epilepsi. I kishte rënë ftiga.
2. fig. Nervozizëm i pakontrollueshëm. U mbush me ftigë.
3. Frikë e madhe; tutë. Paska ftigë të madhe ky!

KRESHPËRIM

KRESHPËRÍM,~I m. 1. Ngritja përpjetë e kurrizit dhe e qimeve mbi trupin a qafën e disa kafshëve (të maces, të tigrit etj.); kurmëzim.
2. fig. Tërbim; egërsim.
✱Sin.: kurmëzim, tërbim, egërsim, hakërrim, nervozizëm.

NATYRËBUTË

NATYRËBÚTË mb. Që është i butë e i qetë nga natyra, që nuk sillet me nervozizëm e ashpërsi. Djalë (vajzë) natyrëbutë.
✱Sin.: i butë, i urtë.

NERVOZ

NERVÓZ,~E mb. 1. Që ka ndjeshmëri të lartë dhe të sëmurë ndaj ngacmimeve të jashtme; që nxehet e zemërohet shpejt, nevrik, me nerva, jo i qetë. Njeri (tip) nervoz.
2. Që shpreh një gjendje shpirtërore të shqetësuar; që bëhet me nervozizëm. Sulme nervoze. Ton nervoz. Duar nervoze.
3. Që është i acaruar e i shqetësuar. Mos më bëj nervoz. Situata e rëndë e bënte nervoz.
✱Sin.: gjaknxehtë, nevrik, nevrastenik, i shqetësuar, i acaruar.

NERVOZISHT

NERVOZÍSHT ndajf. Me nervozizëm, me shqetësim, me ankth, me frikë. Trokas nervozisht gishtat në tavolinë. Ecte nervozisht përgjatë korridorit.

NERVOZITET

NERVOZITÉT,~I m. Nervozizëm. Nervozitet në fushën e lojës. Iu drejtua me nervozitet.

NERVOZIZËM

NERVOZÍZ/ËM,~MI m. Gjendje e acaruar e nervave, që shprehet me ngritje të zërit, me lëvizje të tepërta dhe me shprehje e veprime të pakontrolluara, gjaknxehtësi, nevrikosje. Shenja nervozizmi. Nervozizmi i skuadrës para dhe gjatë ndeshjes. Nervozizëm i tepruar. E priti me nervozizëm. Shkakton nervozizëm.

PRISHAGJAK

PRISHAGJÁK,~U f. Tronditje e madhe; shqetësim i madh. Pa nervozizëm e pa prishagjak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë