Fjalori

Rezultate në përkufizime për “nenexhik”

Mëso si ta përdorësh
<<< Kthehu te kërkimi kryesor në fjalor

DHIOZMË

DHÍOZM/Ë, ~ A f. sh. ~A, ~AT bot. (lat. Mentha piperita) Mendër e butë, nenexhik. Gjethet e thara të dhiozmës. Aroma e dhiozmës tek qoftet. Shtojmë dhiozmën të prerë imët. Hedhim dhiozmë dhe e përziejmë.

MENDËR

MÉND/ËR,~RA f. sh. ~RA, ~RAT 1. bot. Bimë barishtore shumëvjeçare me lloje të ndryshme, me gjethe vezake e me lule të imëta, të grumbulluara tufë si kalli, e cila ka erë të mirë dhe përdoret si erëz në gjellë, në industrinë farmaceutike etj. Mendër e butë dhiozmë, nenexhik. Mendër e egër. Gjethe mendre. Vaj mendre. Erë mendre. Mbjell mendër.
2. Gjethe të kësaj bime, që thahen e shkoqen dhe përdoren si erëz për gjellë. Kapama me mendër. I hedh mendër gjellës (mishit).

MENDËRZ

MÉNDËRZ,~A f. sh. ~A, ~AT bot. Mendër e butë, dhiozmë, nenexhik.

NENEXHIK

NENEXHÍK,~U m., bot. (lat. Mentha spicata) Bimë barishtore shumëvjeçare me kërcell të degëzuar, me gjethe vezake heshtake të dhëmbëzuara, me lule të vogla të kuqe manushaqe ose mavi të çelur, pjesa mbitokësore e së cilës përmban esencë acide, mentoli etj., që përdoret si erëz, për mjekimin e dhimbjeve të stomakut, të mëlçisë, të astmës, të reumatizmës, të plagëve etj.; mendër e butë, dhiozmë. Nenexhik i njomë (i thatë). Gjellë (qofte, petulla) me nenexhik. E përdor shumë nenexhikun në gatim. Mbolli nenexhik në vazo.
✱Sin.: mendër, dhiozmë.

VJOMZË

VJÓMZ/Ë,~A f. sh. ~A, ~AT bot. Dhiozmë, nenexhik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë