Fjalori

Rezultate në përkufizime për “nemitem”

Mëso si ta përdorësh
<<< Kthehu te kërkimi kryesor në fjalor

BEFASOHEM

►BEFAS/ÓHEM jovep., ~ÓVA (u), ~ÚAR 1. vetv. Habitem shumë nga diçka e papritur, çuditem, s’më besohet, mbetem me gojë hapur. U befasova kur ma tha. U befasova me të drejtë. Po befasohem nga pamja që po shoh.
2. vetv. Gjendem në befasi, nuk jam i përgatitur për diçka të papritur. U befasuam nga kjo ngjarje. Nuk duhet të befasohemi.
3. pës. e BEFASÓJ.
✱Sin.: habitem, çuditem, mahnitem, mërehem, çmeritem, hutohem, shastisem, nemitem, topitem.

BRESHNOHEM

►BRESHN/ÓHEM jovep., ~ÓVA (u), ~ÚAR 1. vetv. Ngrij, bëhem akull. U breshnova i gjithi.
2. vetv., vet. v. III Ngurtësohet, forcohet. U breshnuan këpucët.
3. vetv., vet. v. III Nguroset në një trajtë, merr një trajtë, merr një formë të ngurtësuar. Gjalpi breshnohet sipas formës së kutisë.
4. fig., vetv. Shtangem e rri pa lëvizur ose pa folur, mahnitem, mbetem me gojë hapur, më pritet goja. U breshnua nga ky lajm.
5. pës. e BRESHNÓJ.
✱Sin.: ngrihet, ngurtësohet, akullohet, ngurosem, gurëzohet, guroset, ngrin, forcohet, shtangem, nemitem, shastisem, mpihem, mbërthehem, topitem, pikem.

HABITEM

►HABÍT/EM jovep., ~A (u), ~ÚR 1. vetv. Më bën përshtypje të madhe diçka e papritur, e pabesueshme ose e pakuptueshme; më vjen habi, nuk e besoj diçka; çuditem; hutohem. Habitem me të. U habita kur e pashë. Është për t'u habitur.
2. vetv. Mbetem pa mend përpara dikujt a diçkaje, mbetem me gojë hapët para diçkaje të jashtëzakonshme ose shumë të mirë; jepem i tëri pas diçkaje sa harroj se ku jam e ç'po bëj; çuditem, mahnitem. U habitën pa masë. Habitem pas punës. U habitën pas lojës. U habit pas ngjyrave (pas luleve). Mos u habit.
3. pës., vet. v. III e HABÍT.
✱Sin.: çuditem, mahnitem, çmeritem, hutohem, shastisem, mërehem, hahatem, nemitem, topitem.

NEMITJE

NEMÍTJ/E,~A f. Veprimi a gjendja kur nemit ose kur nemitem.

NGRIJ

NGRI/J vep., ~VA, ~RË jokal., 1. vet. v. III Shndërrohet në akull; bëhet i ngurtë a i trashë nga të ftohtët (një trup i lëngët); ngurtësohet; kund. shkrin. Ngriu uji (vaji). Ka ngrirë lumi (pellgu). Ngriu gjella. Ngriu tutkalli. Ngriu betoni (çimentoja, llaçi). Ngriu dylli.
2. Ndiej shumë të ftohtë, mërdhij. Ngrin shumë. Ngriva sot, qenka shumë ftohtë. Ngrimë pa zjarr.
3. Humbas shkathtësinë a mundësinë për të lëvizur trupin a ndonjë gjymtyrë nga të ftohtët; më ftohet shumë një pjesë e trupit sa të humbasë ndjeshmërinë ose të dëmtohet. Ngriu në dëborë. I ngriu dora (këmba, hunda). I ngrinë veshët. Më ngriu shpina nga era. Ngrin i vdekuri bëhet i shtangët trupi i të vdekurit, ftohet.
4. Humbas aftësinë për të lëvizur gjymtyrët a pjesët e trupit nga një sëmundje, ngaqë mpihem etj. Më ka ngrirë kurrizi (dora, qafa).
5. vet. v. III Më mbetet diçka në dorë dhe nuk e lëviz dot nga habia, nga frika, nga zemërimi etj. I ngriu palla në dorë. I ngriu lopata (furka, luga) në dorë.
6. fig. Mbetem i shtangur nga habia, nga frika etj.; marr qëndrim në këmbë pa lëvizur; shtangem. Ngriu në vend. Ngriu në këmbë. Ngriu në qëndrim «gatitu». Ngriu nga habia (nga tmerri). I ngrinë tiparet e fytyrës.
7. vet. v. III Më mbetet e nderë një shprehje në fytyrë; më mbetet pa e thënë diçka. I ngriu buzëqeshja. I ngriu fjala në buzë. I ngriu e qeshura teksa e pa.
8. kal. E ftoh sa të kthehet nga i lëngët në të ngurtë; e bëj të ngurtësohet, të trashet a të mpikset; ftoh shumë diçka në temperaturë të ulëta për ta ruajtur nga prishja. E ngriu ujin. Ngrij mishin (frutat, perimet) në frigorifer. Ngrij dyllin duke e futur në ujë të ftohtë.
9. vet. v. III E bën të ndiejë shumë të ftohtë, e ftoh sa të mpihet. Të ngrin dhëmbët uji (akullorja). Ma ngriu krahun kondicioneri.
10. kal. Vesh diçka në sipërfaqe me një lëndë tjetër për ta bërë më të bukur, më të çmueshme; lyej; qëndis me fije ari, argjendi. Ngrij në ar praroj, laj në ar; vesh me ar, qëndis me fije ari. Ngrij në sheqer frutat (mollët, dardhët) u vë një shtresë sheqeri përsipër, duke i zier në shurup.
11. Bllokoj një llogari bankare, një fond a një shumë parash. Banka ia ngriu të gjitha llogaritë. Shteti ia ngrinë të gjitha asetet.
12. fig. Ndaloj, bllokoj. Ngrij marrëdhëniet diplomatike. Ngrij marrëdhëniet tregtare.
✱Sin.: ngurtësohet, breshnohet, mërdhij, topis, topitem, akullohem, breshtem, thaj, thahem, tartaros, tartarosem, mpihem, shtangem, stapitem, shtang, shtangohem, shtangoj, nemitem, bllokohet, bllokoj, akulloj, ngurr, ngurtësoj, trash, mpiks, qëndis, ngrihet, shastisem, ngurosem, mbërthehem, shastis, pikem, kollaris, mpij, përthan, pres, ther, shkurtoj, grij.
♦ Më ngriu (m’u prish) *gjaku. Më ngriu *gjakun (dikush a diçka). (Jam) ngrij shkrij jam shumë i shqetësuar duke pritur diçka të keqe, kam një ankth për diçka; aty e humb, aty e mbledh veten. Më ngriu *zemra.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë