Fjalori

Rezultate në përkufizime për “ndyrje”

Mëso si ta përdorësh
<<< Kthehu te kërkimi kryesor në fjalor

DEFEKIM

DEFEKÍM,~I m. sh. ~E, ~ET Veprimi kur defekoj; jashtëqitje. Defekim normal. Defekim në mënyrë të pavullnetshme.
✱Sin.: dhjerje, pëgërje, jashtëqitje, ndyrje, ndotje.

KËLLITJE

KËLLÍTJ/E,~A f. 1. Ndotje; ndyrje.
2. Ndërzim.
3. edhe fig. Turbullim.

NDOTJE

NDÓTJ/E,~A f. 1. Infektimi e mjedisit natyror me lëndë kimike ose biologjike në një shkallë të tillë, që shkaktojnë çrregullime ose dëme, duke vështirësuar jetën e tërë organizmave të gjalla, të pranishme në atë mjedis. Ndotja e ujit (e tokës, e ajrit). Ndotje mjedisore. Ndotje atmosferike. Ndotje nga djegiet e pyjeve (e mbeturinave).
2. Veprimi kur ndot dikë a diçka ose kur ndotem; kund. çndotje. Ndotja e duarve. Ndotje akustike.
✱Sin.: fëlliqje, të ndotë, ndot, ndyrje, molepsje, infektim, kallajisje, lerosje, lyrosje, ndragie, përlyerje, përdhosje, zhyerje, dëmtim, laturisje, llagavitje, llangosje, ndyrësi, prishje.

NJOLLOSJE

NJOLLÓSJ/E,~A f. 1. Veprimi kur njollos diçka a dikë ose kur njollosesh. Njollosja e rrobave. Njollosja e emrit. Njollosja e imazhit.
2. Gjendja kur njollos diçka a dikë ose kur njollosesh.
3. bujq. Sëmundje bimësh, që shfaqet me njolla në gjethet e në pjesët e gjelbra. Njollosja pikalore. Njollosja e kuqe. Njollosja kafe. Njollosja e fikut. Njollosja e bizeles.
4. Vendosja e njollave ose e shenjave mbi një bimë. Njollosja e pemëve që duhen prerë.
✱Sin.: përlyerje, lerosje, zhyerje, llackosje, ndyrje, ndotje, fëlliqje, vrugim, vrugie, balosje, përdhosje, nxirje.

PIKIM

PIKÍM,~I m. sh. ~E, ~ET 1. Veprimi kur pikoj ose kur pikohem.
2. Rrjedhje me pika e ujit a e një lëngu tjetër.
3. Spërkatje e një peme etj., me pesticide, me herbicide; spërkatje me pika boje etj.
4. tek. Ngjitje me pika të vogla kallaj, zënie me kallaj e birave të një ene etj.
5. Rënie në tokë e frutave të pjekura. Pikimi i dardhave (i gorricave, i thanave, i mushmollave, i hurmave).
✱Sin.: spërkatje, ndyrje, pikalosje, rrjedhje, ngjitje, zënie, rënie.

PRISHJE

PRÍSHJ/E,~A f. sh. ~E, ~ET 1. Veprimi kur prish ose kur prishet diçka.
2. Gjendja pasi prish a pasi prishem. Prishja e urës. Prishja e dhëmbëve. Prishja e mishit. Prishja e kontratës. Prishja e rregullit.
3. Vend i prishur a i shkatërruar. Prishje tektonike (gjeol.). Prishjet në çati.
4. bised. Shpenzim. Prishjet dhe të ardhurat.
✱Sin.: përprishje, shembje, shkatërrim, çartje, dëmtim, dëm, shpërbërje, shthurje, çrregullim, shprishje, fshirje, shuarje, keqësim, dobësim, shëmtim, rrënim, zvetënim, përdhosje, bastardim, degjenerim, ngërdheshje, shtrembërim, kalbje, thartim, tharmëtim, tharmim, dekompozim, zjarrtisje, qelbje, ndotje, vrenjtje, shpenzim, dështim, shkrehje, rrëzim, krusmë, thepisje, hallakatje, shkallmim, shkapërderdhje, zbërthim, porropi, zarar, çakordim, djallosje, katranosje, ngatërrim, shkarëzim, çorganizim, rënie, pështjellim, rravgim, çjerrje, shkelje, tretje, shformim, prerje, mykje, zhezhitje, djegie, ndyrje, fëlliqje, ndërprerje, ftohje, acarim, egërsim, harxhim.

PËRDHOSJE

PËRDHÓSJ/E,~A f. sh. ~E, ~ET 1. Veprimi kur përdhos dikë apo diçka ose kur përdhosem. Përdhosja e gjërave të shtrenjta (të dashura).
2. Gjendja pasi përdhos dikë apo diçka a përdhosem.
✱Sin.: ndotje, përlyerje, fëlliqje, njollosje, ndyrje, zvetënim, prishje, përçudnim, shthurje, çoroditje, poshtërim, dhunim, bastardim.

PËRLYERJE

PËRLÝERJ/E,~A f. sh. ~E, ~ET 1. Veprimi kur përlyej dikë apo diçka ose kur përlyhem.
2. Rrjedhimi kur përlyej dikë apo diçka ose kur përlyhem.
✱Sin.: lyrosje, lyerje, përlyrje, pëlyrje, njollosje, ndotje, fëlliqje, ndyrje, zhyerje, përdhosje, laturisje, llackosje, njollosje.

PËRMUTJE

PËRMÚTJ/E,~A f. sh. ~E, ~ET 1. Veprimi kur përmut ose kur përmutem.
2. Gjendja kur përmut ose kur përmutem.
✱Sin.: ndyrje, pëgërje, fëlliqje, ndotje.

PËRPURTHJE

PËRPÚRTHJ/E,~JA f. 1. Veprimi kur përputh diçka ose kur përpurthem.
2. Gjendja pasi përpurth a përpurthem.
✱Sin.: purthje, ndyrje, shpërthiqje, skërpurthje, ndragie, fëlliqje.

PËRZHURGIE

PËRZHÚRGI/E,~A f. Ndyrje, zhyerje.

PËRZHYERJE

PËRZHÝERJ/E,~A f. sh. ~E, ~ET Zhyerje; fëlliqje, ndyrje, baltosje.

ZHULOSJE

ZHULÓSJ/E,~A f. sh. ~E, ~ET Ndotja (me baltë, me lerë, me llucë a me diçka tjetër që të fëlliq), fëlliqje; ndotje, lerosje. Zhulosja e fëmijëvë (e pleqve).
✱Sin.: fëlliqje, ndotje, ndyrje, lerosje, zgjyrosje, përzhurgie, zhyerje.

ZHYERJE

ZHÝERJ/E,~A f. sh. ~E, ~ET 1. Veprimi kur zhyej diçka; lerosje; ndyrje me diçka. Zhyerja e rrobave (e kostumit, e këmishës etj.). Zhyerja e fasadave (e mjediseve).
2. fig. Njollosje a përlyerje e emrit të mirë; fëlliqje. S’ka më keq se zhyerja e emrit. Më i mirë litari se zhyerja e emrit. (fj. u).
✱Sin.: përlyerje, ndotje, ndyrje, fëlliqje, lerosje, njollosje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë