Fjalori

Rezultate në përkufizime për “ndrydhëse”

Mëso si ta përdorësh
<<< Kthehu te kërkimi kryesor në fjalor

ANKTH

ANKTH,~I m. sh. ~E, ~ET 1. Ëndërr e rëndë, gjatë së cilës na duket sikur na zihet fryma dhe tronditemi ose trembemi. Ankth i rëndë. Ankth ëndrre (zhgjëndrre). Gjumë me ankthe. Zgjohem nga një ankth. Ankthi i fëmijërisë.
2. fig. Ndjenjë e rëndë ndrydhëse, shtypëse; shqetësim i madh për fatin e dikujt ose për fundin e diçkaje. Ankthi i pritjes. Me ankth në zemër. Jam në ankth. Pres (shoh, ndjek) me ankth. E zuri një ankth. U çlirua (shpëtoi) nga ankthi. Jetoj me ankth.
3. psikol., mjek. Çrregullim emocional ose psikik që shfaqet si një shqetësim i madh ose si një krizë paniku. Ankth akut. Ankth kronik.
✱Sin.: makth, angështi, frikë, druajtje, tutë, shqetësim, trazim, tronditje, pasiguri, stres, panik.

NDRYDHËS

NDRÝDHËS,~E mb. 1. Që shtyp diçka për ta ngjeshur, kompresues, shtypës.
2. Që e kufizon a e pengon zhvillimin ose shfaqjen e lirë të diçkaje, që të zë frymën. Mjedis ndrydhës. Puna iu bë pengesë ndrydhëse për pasionin e vet. Fuqia ndrydhëse e verbërisë.
3. Që ngjall një ndjenjë të rëndë shtypëse. Trishtim ndrydhës. Amulli (qetësi) ndrydhëse. Ka edhe ndonjë shoqëri paragjykuese e ndrydhëse.
4. fig. Që është dorështrënguar, koprrac; temerruc.
5. si em. Njeri koprrac.
✱Sin.: kufizues, topitës, pengues, shtypës, koprrac, temerruc.

NDRYDHËSE

NDRÝDHËS/E,~JA f. sh. ~E, ~ET Pajisje mekanike që shërben për të shtypur rrushin etj., shtypëse. Ndrydhëse e rrushit të verës.

VITELL

VITÉLL,~II m. sh. ~Ë ~ËT Pajisje mekanike që shërben për shtrydhur rrushin, ullinjtë, fruta të ndryshëm etj. Vitell për të shtypur rrushin. Shtypi rrushin me vitell.
✱Sin.: shtrydhëse, ndrydhëse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë