Fjalori

Rezultate në përkufizime për “ndrikull”

Mëso si ta përdorësh
<<< Kthehu te kërkimi kryesor në fjalor

NDRIKULL

NDRÍKULL,~A f. sh. ~A, ~AT vjet. 1. E shoqja e kumbarës; nunë.
2. vjet. Gruaja që merr pjesë si dëshmitare në një kurorëzim. Ndrikulla e ceremonisë në gjendjen civile.
3. Nëna e fëmijës, të cilit i priten flokët, kundrejt kumbarës.
4. krahin. Gruaja që kujdeset për nusen ditën e dasmës.
5. mospërf. Grua llafazane, zakonisht në moshë të thyer, që merret me thashetheme. Ishte një ndrikull e vërtetë.
6. keq. Ai që merret me punë jo të pastra, në kundërshtim me ligjin. Ndrikulla e korrupsionit (e mafies). Aleanca e ndrikullave. Zonja ndrikull.
✱Sin.: nunë, dëshmitare, llafazane, kujdestare.

NDRIKULLI

NDRIKULLÍ,~A f. 1. Të qenët ndrikull. Ndrikullia nga marrja e flokëve.
2. përmb. Tërësia e ndrikullave, gjithë ndrikullat së bashku. Na erdhën ndrikullia.

NUN

NUN,~I m. sh. ~Ë, ~ËT etnogr. 1. Ai që mban foshnjën gjatë pagëzimit dhe që i vë emrin.
2. Ai që i merr flokët fëmijës së porsalindur, kumbar. E do shumë nunin e tij.
3. Ai që ndërron kurorat e dhëndrit e të nuses.
✱Sin.: kumbarë, dëshmitar, nunë, ndrikull.

NUNË

NÚN/Ë,~AI f. sh. ~A, ~AT vjet., etnogr. Ndrikull.

VËNËSE

VË́NËS/E,~JA f. sh. ~E, ~ET libr. 1. Ajo që vë një shfaqje në skenë, regjisore. Vënësja e shfaqjes ishte me përvojë.
2. Ajo që mban foshnjën gjatë pagëzimit dhe i vë një emër. Vënëse e emrit.
✱Sin.: regjisore, ndrikull, nunë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë