Fjalori

Rezultate në përkufizime për “ndragur”

Mëso si ta përdorësh
<<< Kthehu te kërkimi kryesor në fjalor

NDRAG

NDRAG vep., ~A, ~UR kal. Bëj me baltë a me një gjë të fëlliqur, bëj pis; ndyj, fëlliq. Ndragu këpucët (pantallonat) me baltë. E ka ndragur makinën.
✱Sin.: fëlliq, ndyj.

NDRAGEM

►NDRÁG/EM jovep., ~A (u), ~UR 1. vetv. Ndyhem me diçka, bëhem pis, ndotem. Ndragem me baltë. U lag e u ndrag. U ndrag foshnja në rroba. Ishin ndragur si mos më keq.
2. pës. e NDRÁG. M’u ndragën rrobat.
✱Sin.: fëlliqem, ndyhem.

NDRAGUR

NDRÁGUR (i, e) mb. Që është fëlliqur me diçka, që është bërë pis; i fëlliqur, i ndotur. Me rroba të ndragura. Sheshet e ndragura nga balta. I lagur e i ndragur.
✱Sin.: i fëlliqur, i ndotur.

NDYRË

NDÝRË (i, e) mb. 1. Që është përlyer, bërë me baltë, me lyrë, me bojë a me diçka tjetër, i fëlliqur, i zhyer, i ndotur; që të fëlliq; kund. i pastër. Rroba të ndyra. Shami e ndyrë. Me duar të ndyra.
2. fig. I pandershëm, i ulët; që të ngjall neveri, i neveritshëm, i fëlliqur. Punë e ndyrë. Veprime të ndyra. Qëllime të ndyra. Shpifje (trillime) të ndyra. Luftë e ndyrë. Politikë e ndyrë.
3. fig. Që vepron me mënyra të ulëta e të pandershme, i poshtër. Njeri i ndyrë.
4. Që është në kundërshtim me moralin e shoqërisë, i palejueshëm, i pahijshëm, i turpshëm (për fjalët, shprehjet etj.); që përdor fjalë të pahijshme. Fjalë të ndyra. Anekdotë e ndyrë. Është i ndyrë nga goja.
✱Sin.: i fëlliqur, i përlyer, i zhyer, i ndotur, i ndotë, i ndytë, ndyracak, i ndragët, i ndragur, i zgjebosur, i zgjyrosur, i qelbur, qelbanik, i grymët, i palandytë, i palandyrë, i pëgërë, i pocaqisur, i njollosur, i pistë, pisanjos, pisanik, zhulanjos, këllirë, zarbë, i papastër, i përmutur, i efshtë, i shëmtuar, i lyrikur, i lyrët, lyrës, i laturisur, molar, lerash, i zgjyrosur, i ajkosur, morracak, i pandershëm, i ulët, i poshtër, i turpshëm, batakçi, i pështirosur.
♦ *Fytyrë e ndyrë përb.

PËGËRË

PËGË́RË (i, e) mb. 1. I ndyrë, i fëlliqur, i ndragur, i bajgosur. Me rroba të pëgëra.
2. fig. I ndotur, i baltosur, i njollosur. I pëgërë në qelizë (fig.) shumë i ndyrë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë