Fjalori

Rezultate në përkufizime për “ndrag”

Mëso si ta përdorësh
<<< Kthehu te kërkimi kryesor në fjalor

LLATURIS

LLATURÍS vep., ~A, ~UR kal. Përlyej, ndrag, fëlliq.

NDRAG

NDRAG vep., ~A, ~UR kal. Bëj me baltë a me një gjë të fëlliqur, bëj pis; ndyj, fëlliq. Ndragu këpucët (pantallonat) me baltë. E ka ndragur makinën.
✱Sin.: fëlliq, ndyj.

NDRAGEM

►NDRÁG/EM jovep., ~A (u), ~UR 1. vetv. Ndyhem me diçka, bëhem pis, ndotem. Ndragem me baltë. U lag e u ndrag. U ndrag foshnja në rroba. Ishin ndragur si mos më keq.
2. pës. e NDRÁG. M’u ndragën rrobat.
✱Sin.: fëlliqem, ndyhem.

NDRAGIE

NDRÁGI/E,~A f. Veprimi kur ndrag ose kur ndragem. Ndragia e rrobave.
✱Sin.: fëlliqje, ndotje, ndrag.

NDRAGËS

NDRÁGËS,~E mb. Që ndrag, që bën pis, që ndot.

NDRAGËS

NDRÁGËS,~I m. sh. ~, ~IT Ai që ndrag, ai që bën pis, ai që ndot, ndotës.

NDRAGËSE

NDRÁGËS/E,~JA f. sh. ~E, ~ET Ajo që ndrag, ajo që bën pis, ajo që ndot.

NDYJ

NDY/J vep., ~VA, ~RË kal. 1. Bëj diçka me baltë, me lyrë, me bojë ose me një lëndë tjetër, e bëj të papastër; përlyej, fëlliq, njollos; kund. pastroj. Ndyj fytyrën (duart, këmbët). Ndyu rrobat. Ndyu vendin ku po punonte. Ndyj me baltë (me vaj, me lyrë). Shkopin, po e ndyve të tërë, s’ke ku e kap. (fj. u.) a) po e prishe krejt një punë, s’e ndreq dot më e s’ke nga ta nisësh; b) po pate bërë ndonjë gjë shumë të keqe, s’ke ku të mbahesh më.
2. E bëj t’i vijë ndot për diçka, ia vështiros. Ia ndyu gjellën macja.
3. fig. Cenoj emrin e mirë, i vë njollë, njollos. Nuk e ndyn veten me këto ai.
4. euf., jokal. Dal jashtë, bëj nevojën.
✱Sin.: ndot, zhyej, fëlliq, ndrag, lyej, përlyej, llangos, qelb, pëgëj, palandyj, palavoj, përshkëllij, katranos, vështiros, neverit, turpëroj, cenoj, njollos, zhulos, prish, djallos, moleps, përdhos, shpërdhos, përzhurg, purth, përpurth, pëlyr, leros, zgjyros, laparos, laturis, larushit, gërbul, ajkoj, llackos, llagavit, vangoj, qurroj, sklloçit, përmut, dhjes, jashtëqit.
♦ Nuk e ndyj (nuk e fëlliq) *dorën (me dikë) përçm. E ndyu (e prishi) *gojën (dikush).

PËGËJ

PËGË́/J vep., ~RA, ~RË kal. 1. Ndyj, fëlliq, ndrag. E pëgënë ujin bagëtitë. E ka pëgërë foshnja. E pëgëri bisedën.
2. fig. E ndot, i cenoj emrin e mirë, e njollos.
3. vet. v. III Pjell para kohe; shtie (bagëtia). Pëgëri lopa.
✱Sin.: ndyj, fëlliq, ndrag, ndot, cenoj, njollos, baltoj, baltos, bajgos, shtie.

PËRPURTH

PËRPÚRTH vep., ~A, ~UR kal. Ndyj, fëlliq, ndrag (me të pëgërë të hollë e të shpeshtë, kur dikë e heq barku). Përpurthi dyshekun (ndërresat).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë