Fjalori

Rezultate në përkufizime për “ndiqem”

Mëso si ta përdorësh
<<< Kthehu te kërkimi kryesor në fjalor

ARRATISEM

►ARRATÍS/EM jovep., ~A (u), ~UR vetv. 1. Iki fshehurazi nga një vend ku më mbajnë mbyllur për dënim ose kundër dëshirës; marr malet ose kapërcej kufirin për të shpëtuar nga ndjekjet, nga një e keqe etj. U arratis nga burgu. U arratis nga ushtria. U arratis nga shtëpia. U arratis në mal (jashtë).
2. fig., vet. v. III Largohet, ikën, tretet larg. Iu arratis gjumi.
3. vet. v. III Përndahet, shpërndahet andej e këtej (për bagëtinë). Arratisen dhitë pa gjurmë.
4. Endem andej-këtej, bredh lart e poshtë. Arratisem sa andej, sa këndej.
5. krahin., vet. v. III Shembet, rrëzohet me vrull. U arratis si lis.
✱Sin.: dëbohem, përzihem, ndiqem, shporrem, largohem, mërgohem, tretem, iki, mënjanohem, përndahem, shpërndahem, endem, bredh, shembem, rrëzohem.
♦ Iu arratis *mendja (dikujt).

NDJEKJE

NDJÉKJ/E,~A f. sh. ~E, ~ET 1. Veprimi kur ndjek dikë ose kur ndiqet dikush. Ndjekja e armikut. Në ndjekje nga policia. Ndjekja e mësimeve (e shkollës, e karrierës). Ndjekja e programeve. Ndjekja e problemit (e çështjes). Ndjekje në mënyrë rigoroze. Ndjekja në vazhdimësi e punës. Ndjekja e punimeve. Ndjekja e procedurave (e rregullave). Ndjekja e përparimit (e zhvillimit). Ndjekje në kohë reale. Ndjekje ligjore. Ndjekje me kohë të pjesshme e shkollës. Ndjekje gjyqësore (penale) (drejt.) veprim juridik kundër atij që ka shkelur ligjin. Forcat e ndjekjes.
2. Situatë a rast kur ndjek dikë a diçka ose kur ndiqem nga dikush.
3. Veprimet që bëhen kundër dikujt me mjetet e dhunës e të shtypjes që ka shteti për ta penguar të shprehë pikëpamjet përparimtare ose të luftojë për liri e për drejtësi shoqërore (në vendet me regjime shtypëse). Ndjekjet e punëtorëve. Ndjekjet kundër patriotëve. Ndjekjet e egra raciale. Ndjekjet e aktivistëve.
✱Sin.: hetim, gjurmim, ecje, pasim, shoqërim, frekuentim, përsëritje, shikim, dëgjim, mbikëqyrje, vëzhgim, kujdes, përgjim, synim, vijim, vazhdim, dëbim, shkrehje, përzënie, përndjekje.

PILOHEM

►PIL/ÓHEM jovep., ~ÓVA (u), ~ÚAR 1. vetv. Lëshohem turravrap.
2. vetv. (me një trajtë të shkurtër të përemrit vetor në r. dhanore) E ndjek prapa dikë me vrap, e ndjek këmba-këmbës. Iu pilua prapa.
3. pës. e PILÓJ.
✱Sin.: vrulloj, vërsulem, sulem, lëshohem, turrem, ndiqem.

SIKTERISEM

►SIKTERÍS/EM jovep., ~A (u), ~UR pës. e SIKTERÍS. Më përzënë prej shtëpie ose prej vendi; dëbohem. Pse duhet të sikteriset një njeri i tillë?
✱Sin.: arratisem, arsehem, fërfëllohem, përzihem, ndiqem, nxirrem, trumhasem, lipsem, karmohem, flakem, shporrem, zhdukem.

SIKTEROSEM

►SIKTERÓS/EM jovep., ~A (u), ~UR pës. e SIKTERÓS. Sikterisem; dëbohem. Shumë intelektualë janë sikterosur për arsye politike.
✱Sin.: arratisem, arsehem, fërfëllohem, përzihem, ndiqem, nxirrem, trumhasem, turisem, lipsem, karmohem, hiqem qafe, flakem, shporrem, zhdukem.

SURVEJOHEM

►SURVEJ/ÓHEM jovep., ~ÓVA (u), ~ÚAR 1. vetv. Ndiqem në fshehtësi. Survejohem vazhdimisht. Ishte survejuar çdo lëvizje e tij.
2. pës. e SURVEJÓJ. Shkrimtari survejohej nga spiunët.
✱Sin.: përgjohem, mbikëqyrem.

VROJTOHEM

VROJT/ÓHEM jovep., ~ÓVA (u), ~ÚAR 1. vetv. Ndiqem me sy nga dikush, vëzhgohem; më shohin me vëmendje për një qëllim të caktuar.

2. vetv., vet. v. III. Studiohet diçka duke u ndjekur me vëmendje zhvillimi i tij, bëhen kërkime a vëzhgime në një drejtim të caktuar; vëzhgohet. Vrojtohen dukuritë e natyrës. Vrojtohen tërmetet. në faza të ndryshme. U vrojtua në disa drejtime studimi. Vrojtohen shpërthimet e vullkanit.

2. pës. e VROJTÓJ.

✱Sin.: vëzhgohem, vërehem, këqyrem, mbikëqyrem.

VUAJ

VÚAJ vep., ~TA, ~TUR 1. jokal. Kam një dhembje a një sëmundje që më mundon, heq prej saj. Vuan nga dhembja e kokës. Vuante nga stomaku (nga zemra, nga veshkat, nga ethet). Vuanin nga malaria.
2. jokal. Mundohem shumë për të bërë a për të gjetur diçka, përpiqem e lodhem shumë; kaloj vështirësi e mungesa të mëdha, jetoj në skamje a në varfëri; më mungon diçka dhe s’e siguroj dot. Hoqën e vuajtën nën thundrën e pushtuesit. Vuajti për të bërë një shtëpi. Vuanin për bukë (për ujë, për kripë). Kanë vuajtur tërë jetën. Vuante për gjumë.
3. jokal. Pësoj të këqija a mundime, ndiqem, dënohem e keqpërdorem nga dikush. Vuajtën nga fashistët. Vuajti në burg. Vuajti të zitë e ullirit vuajti shumë. Vuajti pikën e zezë vuajti shumë. Vuan si gjarpri nën gur (si miu në mur).
4. jokal. Ndiej dhembje në shpirt për dikë, kam dashuri të madhe për të, jepem me shpirt pas tij. Vuan pas asaj. Vuan pas fëmijës.
5. fig., jokal. Kam një të metë a një mungesë, e cila më dëmton; vet. v. III ka të meta e dobësi. Vuante nga mendjemadhësia. Vuan nga (për) mendtë e kokës e ka fajin vetë. Vepra vuan nga disa dobësi të theksuara. Vuan nga budallallëku.
6. kal. Kaloj një mundim trupor a shpirtëror, një sëmundje, një të keqe a dënim; heq. Vuajti urinë. Vuajti dënimin.
✱Sin.: heq, lëngoj, rënkoj, dergjem, torturohem, përvëlohem, mjerohem, mundohem, rraskapitem, përndiqem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë