Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
NDIJÍM,~I m. sh. ~E, ~ET psikol. 1. Pasqyrimi në vetëdijen e njeriut i vetive të caktuara të sendeve e të dukurive të botës objektive, që veprojnë mbi organet e shqisave. Ndijime pamore (dëgjimore). Rrymat e erës i sollën ndijimin e lagështirës. Ndijim velës. Ndijime të llojllojshme. Ndijimi i të prekurit (i shijes...). Ndijime organike pasqyrime të gjendjes së brendshme të organizmit (si uria, dhembja etj.).
2. Gjendje psikike e shkaktuar nga rrethana të jashtme, që lënë mbresa të drejtpërdrejta e të përkohshme në vetëdije, përshtypje. Ndijime të hidhura. Ndijime të forta nga jeta. Ndijimi i turbullt i një hidhërimi. Në vetëdije iu kryqëzuan dy ndijime.
✱Sin.: përshtypje, sensacion, ndjesi, ndijë.
SHQÍS/Ë,~A f. sh. ~A, ~AT 1. Aftësia e njeriut dhe e kafshëve përmes së cilës për të përceptuar përshtypjet nga bota e jashtme me anë të organeve të shqisave. Organet e shqisave. Mund të kapet me anë të shqisave.
2. Secila nga pesë shqisat (të shikuarit, të dëgjuarit, të shijuarit, të prekurit, të nuhaturit); ndijë. Shqisa e të dëgjuarit. Të gjitha shqisat.
3. fig. Aftësia për të ditur a për të kuptuar diçka vetëm me anë të intuitës, pa një arsye ose provë; nuhatje. E kishte të zhvilluar shqisën e gjashtë.
✱Sin.: ndijë, nuhatje.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë