Fjalori

Rezultate në përkufizime për “ndihmues”

Mëso si ta përdorësh
<<< Kthehu te kërkimi kryesor në fjalor

ALEAT

ALEÁT,~I m. sh. ~Ë, ~ËT libr. 1. Anëtar i një aleance; besëlidhës. Aleat i madh (i sigurt). Aleatët nuk u morën vesh.
2. Ai që lidhet e bashkërendon veprimet me një tjetër për qëllime të njëjta; përkrahës aktiv i dikujt. Aleat besnik (i ngushtë). Aleat i përkohshëm. Bëhem aleat me dikë. Gjej (bëj) aleatë. U takuan me aleatët. Aleatët ndërkombëtarë.
✱Sin.: besëlidhës, besëtar, besatar, bashkëpunëtor, bashkëpunues, bashkëluftues, mbështetës, përkrahës, ndihmues, partner, mik, besnik.

ANËMBËSHTETËS

ANËMBËSHTÉTËS,~E mb. Që mbështet dikë a diçka; që përkrah ose që ndihmon dikë a diçka; anëmbajtës. Ndihma anëmbështetëse. Kërkoi dikë anëmbështetës.
✱Sin.: përkrahës, krahmbajtës, anëmbajtës, ndihmues, anues.

ANËMBËSHTETËS

ANËMBËSHTÉTËS,~I m. sh. ~, ~IT Ai që mbështet dikë ose diçka; ai që përkrah ose që ndihmon dikë a diçka, anëmbajtës. Anëmbështetës i shumëkujt. Anëmbështetës i drejtë.
✱Sin.: përkrahës, anëmbajtës, anëmbajtës, ndihmues, anues.

NDIHMAQAR

NDIHMAQÁR,~I m. sh. ~Ë, ~ËT Ai që ndihmon; ndihmues.

NDIHMUES

NDIHMÚES,~E mb. Ndihmës. Ai ishte ndihmues dhe jo pengues. Politikë ndihmuese. Strukturat ndihmuese. Rol lehtësues dhe ndihmues.

NDIHMËS

NDÍHMËS,~E mb. 1. Që shërben për të lehtësuar një punë; që ndihmon, që jep ndihmë për të kryer diçka; ndihmues, ndihmëtar. Mjet ndihmës. Pajisje ndihmëse. Politika ndihmëse. Ushtri ndihmëse. Pyetje ndihmëse. Literaturë ndihmëse. Lëndë ndihmëse.
2. ek. Që zhvillon një veprimtari plotësuese në krahasim me kryesoren; që jep një prodhim plotësues. Veprimtari ndihmëse. Infrastrukturë ndihmëse. Shërbime ndihmëse. Repart (sektor) ndihmës. Ekonomi ndihmëse ekonomi e vogël bujqësore pranë një institucioni, një reparti ushtarak etj.
3. gjuh. Që ndihmon për të formuar trajta jo të thjeshta të fjalëve (për foljet kam, jam ose për pjesëzën do: kam punuar, jam gëzuar, do të nisem); shërbyes; që nuk është kryesor, i dytë (për theksin). Folje (fjalë) ndihmëse. Theks ndihmës.
✱Sin.: përkrahës, zëvendës, plotësues, ndihmues, ndihmëtar, çirak, lehtësues, plotësues, shërbyes, i dytë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë