Fjalori

Rezultate në përkufizime për “ndertë”

Mëso si ta përdorësh
<<< Kthehu te kërkimi kryesor në fjalor

NDERUAR

NDERÚAR (i, e) mb. 1. Që nderohet nga të tjerët, që gëzon nderimin e të tjerëve; që çmohet e që vlerësohet nga të tjerët. Mysafirë të nderuar. Ndihet i nderuar. Punë e nderuar. Profesion i nderuar. Figura e nderuar e mësuesit. Vend i nderuar në shoqëri.
2. Përdoret para emrit të një njeriu, të cilit i drejtohemi me fjalë ose i shkruajmë një letër me nderim, në mënyrë zyrtare a gjysmëzyrtare. I nderuari mik! I nderuari zoti ministër... Shumë të nderuarit zotit... Të nderuar zonja e zotërinj! Të nderuar pjesëmarrës!
3. Që e ka kryer një punë mirë e me nder, faqebardhë. Dolëm të nderuar me punën tonë.
✱Sin.: i respektuar, i respektueshëm, i ndertë, i nderueshëm, i përfillur, i çmuar, i shquar, i lartë, i vlerësuar, i sjellshëm, fisnik, namusqar, zotëri, faqebardhë, faqelarë.

NDERUESHËM

NDERÚESH/ËM (i), ~ME (e) mb. Që është i denjë për t’u nderuar, që mund të nderohet. Poetin që bëri të nderueshëm gjakun shqiptar. E bëri të nderueshëm kombin.
✱Sin.: i ndertë, i nderuar, i respektuar, i përfillur, i çmuar, i shquar, i lartë, i vlerësuar, i sjellshëm, fisnik, namusqar, zotëri, faqebardhë, faqelarë.

NDERË

NDÉRË (i, e) mb. 1. Që është i rrafshët e i cekët, i përfushtë; kund. i thellë. Pjatë e nderë. Tepsi e nderë.
2. I shtrirë sa gjatë gjerë, i hapët. Fushë e nderë. E kur shikonte kaq burra të nderë pa frymë... Sa njerëz mbeteshin të nderë, pa shpirt, gërxheve e brinjëve.
3. fig. Që mund të çojë në një shpërthim; i tendosur, i acaruar. Gjendje (situatë, atmosferë) e nderë. Marrëdhënie të ndera. Çast i nderë. Situata në shtëpi ishte e nderë. Atmosferë e nderë.
✱Sin.: i rrafshët, i cekët, i përfushtë, i përsheshtë, i sheshtë, i ndermë, shapkëtor, i shtrirë, i ngrehur, i hapët, i hapur, i tendosur, i acaruar, i ashpërsuar, i ndezur, i ndertë, i zgjatur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë