Fjalori

Rezultate në përkufizime për “nderem”

Mëso si ta përdorësh
<<< Kthehu te kërkimi kryesor në fjalor

NDEHEM

►NDÉ/HEM jovep., ~VA (u), ~RË 1. vetv. Shtrihem sa gjatë, gjerë. U nde në shtrat. U nde pranë zjarrit. U nde përtokë.
2. fig., vetv., vet. v. III Përhapet e mbulon diçka; bie. Po ndeheshin hijet e para të muzgut. U nde mjegulla (tymi). U nde nata (errësira). U nde një heshtje e plotë. Në sytë e saj ndehej një tis pikëllimi.
3. vetv., vet. v. III Tendoset. Iu nde fytyra. Ndehet si hark.
4. vetv. I vihem nga pas, e ndjek me vrap; i qepem. Iu ndenë qentë. Iu ndenë malit. Iu nde e s’iu nda.
5. pës. e NDEJ.
✱Sin.: shtëllitem, ngrihem, zgjatem, nderem, shtriqem, shtrihem, përhapet, mbulon, bie, ashpërsohet, acarohet, tendoset, ndjek, qepem, vihem.

SHAKADAHEM

SHAKADÁ/HEM jovep., ~VA (u), ~RË vetv. 1. Shtrihem e nderem sa gjerë e gjatë, hapem e përhapem gjerë e gjatë. Shakadahej nën rrezet e diellit. Shakadahem në rërë.
2. fig. Marr pjesë në veprimtari nga më të ndryshmet, shpërndahem gjithandej. Shakadahet në politikë. Shakadahej me shokët. Mos u shakadaj kaq shumë!
✱Sin.: përhapem, përndahem, shpërndahem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë