Fjalori

Rezultate në përkufizime për “ndajgjendem”

Mëso si ta përdorësh
<<< Kthehu te kërkimi kryesor në fjalor

NDIHMOJ

NDIHM/ÓJ vep., ~ÓVA, ~ÚAR kal. 1. I jap ndihmë, i lehtësoj barrën, punën, mundin a vështirësitë; e shpëtoj nga një rrezik ose nga një gjendje e vështirë; i jap dorën, e përkrah, e mbështet. Ndihmon shokët. E ndihmoi me detyrat. E ndihmoi në punë (në rrezik, në vështirësi). E ndihmoi me fjalë (me këshilla). Ndihmoj pa u kursyer. E ndihmon për të mësuar. Më ndihmo ta ngre!
2. I jap të holla ose diçka tjetër një njeriu që ka nevojë; i jap atë që i duhet. E ndihmoi me të holla. E ndihmoi me libra. E ndihmon pa u kursyer (me gjithë shpirt, me të dyja duart).
3. vet. v. III Shërben për të lehtësuar zhvillimin e diçkaje a për të bërë diçka, lehtëson; i sjell dobi, i jep dorë. E ndihmon zhvillimin (rritjen). Na ndihmoi literatura. Më ndihmon të qenët pjesë e këtij grupi. Këto masa ndihmuan shumë. Nuk na ndihmoi moti.
✱Sin.: përkrah, ndih, mbështes, favorizoj, ndajgjendem, ndërhyj, shpëtoj, gjendem, ndodhem, mbroth, shikoj, shpie, zhvilloj, lehtëson, shërben, vlen, përdoret.

NDODHEM

►NDÓDH/EM jovep., ~A (u), ~UR vetv. 1. Jam në një vend, gjendem diku; jam në rrethana të caktuara. Ndodhem pranë (larg). Ndodhet jashtë rrezikut.
2. vet. v. III Bie, shtrihet diku (qyteti, lumi etj.). Ndodhet aty (këtu). Ndodhet në qendër të qytetit. Ndodhet në veri (në jug). Ndodhet midis tyre.
3. Jam rastësisht diku, gjendem rastësisht në një vend. U ndodh aty pa dashur. S’u ndodh në shtëpi për ta ndihmuar.
4. fig. Jam ose bie në një gjendje që nuk e prisja, gjendem padashur përpara diçkaje, zakonisht të papëlqyeshme. U ndodh ngushtë (pisk). U ndodhëm para faktit të kryer. U ndodhëm para një të papriture (para një fakti të kryer). Ndodhej në pikë të hallit.
5. fig., bised. (me një trajtë të shkurtër të përemrit vetor në r. dhanore). Ndihmoj dikë në rrethana të vështira, i gjendem krah dikujt. Iu ndodh pranë (krah). I ndodhet në çdo rast (në rast nevoje). Iu ndodhën në fatkeqësi. Na është ndodhur kurdoherë.
6. vet. v. III (me një trajtë të shkurtër të përemrit vetor në r. dhanore) Kam me vete rastësisht diçka, më gjendet; kam. S’iu ndodhën para me vete. Më dha ç’iu ndodh. Na priti me ç’iu ndodh.
✱Sin.: jam, gjendem, ndajgjendem, qëndroj, rri, bie, shtrihet, hapet, rastis, katandisem, ndihmoj, kam.
♦ U ndodha (më zuri) *bosh. Iu ndodh (iu gjend) në *krah (dikujt). I ndodhem (i gjendem) *pranë (dikujt).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë