Fjalori

Rezultate në përkufizime për “ndërsyes”

Mëso si ta përdorësh
<<< Kthehu te kërkimi kryesor në fjalor

NDËRSYES

NDËRSÝES,~E mb. Që nxit për të sulmuar a për të goditur një tjetër. Fjalimi i tij ndërsyes ishte përplot retorikë nacionaliste. Kontekst ndërsyes.
✱Sin.: nxitës, shtytës.

NXITËS

NXÍTËS,~E mb. 1. Që të shtyn të veprosh në një drejtim të caktuar; që i jep vrull e fuqi kryerjes së diçkaje. Fjalë nxitëse. Thirrjet nxitëse të tifozëve u dhanë zemër lojtarëve. Shembull nxitës. Luan një rol nxitës.
2. fiziol. Që i shton gjallërinë e veprimtarinë sistemit nervor ose një organi; kund. qetësues. Pije nxitëse. Mjekime nxitëse. Kolagjeni luan rol nxitës në formimin e kapilarëve.
✱Sin.: shtytës, shtyrës, stimulues, cytës, ngasës, gërgasës, yshtës, ndërsyes.

NXITËS

NXÍTËS,~I m. sh. ~, ~IT 1. Ai që shtyn dikë me fjalë a me veprime për të bërë diçka, ai që nxit të bëhet diçka, shtytës. Nxitësit e protestës (e dhunës). Nxitësit e luftës luftënxitësit. Zbuloi nxitësit e krimit (e vrasjes).
2. Diçka që shërben për t’i shtuar vrullin a fuqinë një veprimtarie a një dukurie. Nxitës i fuqishëm. Nxitës moral (material).
3. fiziol. Lëndë ose mjet që e ngre veprimtarinë e sistemit nervor ose të një organi; kund. qetësues. Vepron si nxitës. Dhimbja lind nga veprimi i nxitësve të ndryshëm në inde.
✱Sin.: cytës, shtiakeq, shpues, trimërues, ndërsyes, gërgasës, shtytës, tundues, joshës, gjallërues, aktivizues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë