Fjalori

Rezultate në përkufizime për “ndërkryer”

Mëso si ta përdorësh
<<< Kthehu te kërkimi kryesor në fjalor

ARKYER

ARKÝER (i, e) mb. Që ka shkalluar, që është bërë si i marrë; i ndërkryer. U bë si i arkyer. Sillej si dele e arkyer. Flet si i arkyer. Vraponte si i arkyer.

BEJLEGTAR

BEJLEGTÁR,~I m. sh. ~Ë, ~ËT vjet. Pjesëmarrës në dyluftim; dyluftues. Trimi e bejlegtari. Dy bejlegtarë të ndërkryer në fushën e mejdanit. Kush ia nisi luftës më i pari, / Nasur Begu e bejlegtari. (folk.).

BELETISUR

BELETÍSUR (i, e) mb., krahin. 1. Që ka dalë nga rruga e drejtë, që ka dalë nga binarët (nga shinat).
2. I ndërkryer, i inatosur, i xhindosur.
✱Sin.: i ndërkryer, i inatosur, i xhindosur, i marrosur.

FROGËT

FRÓGËT (i, e) mb. I ndërkryer; i shkalluar; i prishur mendsh. Flet si i frogët.
✱Sin.: i ndërkryer, i shkalluar.

MENDJEPRISHUR

MENDJEPRÍSHUR mb. I prishur mendsh, shqetësuar; i ndërkryer; i çmendur.

NDËRKREHEM

►NDËRKR/ÉHEM jovep., ~ÉVA (u), ~ÝER 1. vetv. Prishem nga mendtë, bëhem si i marrë, shkalloj; më hipën në kokë e nuk di çfarë bëj, tërbohem, trenohem. Truri i ishte ndërkryer.
2. vetv., vet. v. III Sëmuret nga trutë dhe sillet si i tërbuar (për kafshët); i bie sëmundja e tërbimit. Ndërkrehet kali (delja, kau). Qeni ishte ndërkryer.
3. pës. e NDËRKRÉJ. Ishte ndërkryer nga zemërimi.
✱Sin.: shkalloj, çmendem, trenohem, xhindosem, tërbohet.

NDËRKRYER

NDËRKRÝER (i, e) mb. 1. Që është ndërkryer; i shkalluar, i tërbuar. Flet si i ndërkryer. Si dem i ndërkryer.
2. si em. m. e f. Sipas kuptimit të mbiemrit. Për të ndërkryerit si unë.
✱Sin.: i marrë, i trentë, i çmendur, i shkalluar, i inatosur, i tërbuar, i xhindosur.

NDËRKRYER

NDËRKRÝER (i, e) mb. 1. Që është bërë si i prishur mendsh, i marrë, i shkalluar, i tërbuar. Flet si i ndërkryer. Ikte (u bë) si i ndërkryer. U zgjua si i ndërkryer. E shihte vëllain si i ndërkryer. Njerëzit bëhen vetvetiu si të ndërkryer. Duke ecur si i ndërkryer. Dola me hapa të ndërkryer nga dera.
2. Që është sëmurë nga trutë dhe sillet si i tërbuar (për kafshët). Dele (mushkë) e ndërkryer. Si dem i ndërkryer.
✱Sin.: i marrë, i shkalluar, i tërbuar.

NËLKUAR

NËLKÚAR (i, e) [NËLKÝER (i, e)] mb. 1. Që ecën si i thyer në mes, që e ka humbur kontrollin e trupit, pa drejtpeshimin në rregull. Ecën i nëlkuar.
2. Që nuk mendon qartë, i trullosur nga mendja. E kam nusen të nëlkyer.
✱Sin.: i ndërkryer, i trullosur, i shkalluar, i çmendur.

SHAPALOK

SHAPALÓK,~E mb. Që është i lajthitur; i lënë mendsh. I ri shapalok. Grua shapaloke.
✱Sin.: i marrë, i lajthitur, i luajtur, i kërcyer, i kapërcyer, i shkalluar, shkallaq, i trentë, marrak, marruk, marrash, marrok, marroq, i marrosur, i ndërkryer.

SHKALLUAR

SHKALLÚAR (i, e) mb. 1. Që është bërë shkallë-shkallë; i shkallëzuar. Lis i shkalluar.
2. fig. Që është i luajtur nga mendtë, i çmendur, i marrë. Ky qenka djalë i shkalluar. U turr si e shkalluar.
✱Sin.: i çmendur, i ndërkryer, i marrosur, marrak, marruk, i krisur, i lajthitur, i luajtur, i lënë, i lënurur, i trentë, shkallaq, i marrë, i këmbyer, i mëkequr, çmendarak.

SHKARË

SHKÁRË (i, e) mb., 1. Që ka rrëshqitur. Stomak i shkarë.
2. bised. Që është i çmendur, i rrjedhur. Djalë i shkarë. Grua e shkarë nga mendja.
✱Sin.: i marrë, i lajthitur, i luajtur, i kërcyer, i kapërcyer, i shkalluar, shkallaq, i trentë, marrak, marruk, marrash, marrok, marroq, i marrosur, i ndërkryer.

TERMENGUR

TERMÉNGUR (i, e) mb., krahin. Që ka luajtur mendsh, i ndërkryer, i termengët. Njeri i termengur.

TERRMEKTË

TERRMÉKTË (i, e) mb. Që është në gjendje të rënduar mendore, që bën veprime të pakontrolluara; i hutuar, i ndërlikur, i ndërkryer. Ecte si i terrmektë.

TRULËNË

TRULË́NË mb., keq. Që e ka lënë mendja; trudalë, i ndërkryer. Plak(ë) trulënë.

TRUSHKULUR

TRUSHKÚLUR mb. 1. I çmendur, i luajtur, i metë nga mendja, i ndërkryer, i shkalluar.
2. si em. m. e f. Sipas kuptimit të mbiemrit.

TRUTHARBUR

TRUTHÁRBUR mb., keq. I ndërkryer, i prishur mendsh, i çmendur, trutharbët.

TUTHI

TÚTHI ndajf. Kuturu; si i ndërkryer. Ecte tuthi.

TËRBUAR

TËRBÚAR (i, e) mb. 1. Që e ka zënë sëmundja e tërbimit, i sëmurë nga tërbimi. Qen i tërbuar. Njeri i tërbuar.
2. I zemëruar aq shumë me dikë a me diçka sa nuk e përmban dot veten, që është bërë si i marrë nga inati, shumë i egërsuar. Armik (kundërshtar) i tërbuar. Hyri (erdhi) si i tërbuar.
3. fig. Që është i papërmbajtur në shfaqjen e dëshirave a të tekave; që sillet e vepron në mënyrë të papërmbajtur; i shfrenuar, i harbuar; i llastuar a i përkëdhelur tej masës. Fëmijë i tërbuar.
4. fig. Që lëviz a shpërthen me vrull e me forcë, që vërshon pa u përmbajtur, që lëshohet me rrëmbim; që ka dallgë të mëdha e të furishme. Erë e tërbuar. Tufan (murrlan) i tërbuar. Det (oqean) i tërbuar.
5. fig. Që është i përgjakshëm e shumë i ashpër; që bëhet pa mëshirë, i egër, mizor, barbar; që bëhet me tërbim. Luftë e tërbuar. Sulm i tërbuar. Fushatë (garë) e tërbuar. Terror i tërbuar.
✱Sin.: i ndërkryer, i trenuar, i çmendur, i shkalluar, i marrosur, i xhindosur, i papërmbajtur, histerik, i çartur, i harbuar, i harlisur, i shfrenuar, i azdisur, i llastuar, i përkëdhelur, i papërmbajtur, i vrullshëm, i përgjakshëm, gjakatar, barbar, i egër, mizor.
♦ *Ujë i tërbuar (i bekuar) shak.

TËRMEKUR

TËRMÉKUR (i, e) mb., bised. Që është tërmekur; që është si i ndërkryer. Njerëz të tërmekur. Kalë i tërmekur. Flet si i tërmekur pa lidhje, si i prishur mendsh.
✱Sin.: i tërbuar, i trullosur, i zemëruar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë