Fjalori

Rezultate në përkufizime për “nanus”

Mëso si ta përdorësh
<<< Kthehu te kërkimi kryesor në fjalor

FASULE

FASÚL/E,~JA f. sh. ~E, ~ET 1. bot. (lat. Phaseolus vulgaris) Bimë barishtore njëvjeçare, me kërcell të gjatë, të hollë e përdredhës, me gjethe në trajtë zemre, që mbillet për bishtajat dhe për kokrrat e saj; bishtajat ose kokrrat e kësaj bime, që përdoren për ushqim; groshë. Fasule të njoma (të thata). Kokrra fasuleje. Blej fasule të mira. Mbledh fasulet. Fasule pllaqi. Fasule pllaçake. Fasule dardharake fasule me pika të kuqe.
2. bot. Pjesë e parë e emërtimeve të pathjeshta që tregojnë lloje të ndryshme të bimës së fasules. Fasule me erë (lat. Phaseolus caracalla). Fasule foragjere (lat. Dolichos sinensis, Vigna sinensis). Fasule gjatoshe (lat. Phaseolus vulgaris oblungus). Fasule gjethemprehtë (lat. Phaseolus acutifolius, P. tenuifolius). Fasule kacavarëse (lat. Phaseolus vulgaris volubilis). Fasule e kuqe (lat. Phaseolus coccineus). Fasule e shkurtër (lat. Phaseolus vulgaris nanus). Fasule vezake (lat. Phaseolus vulgaris ellipticus).
✱Sin.: groshë, bathë.
♦ Jo *bathë, po fasule. Nuk më ftohen fasulet iron. mospërf. nuk shqetësohem fare për diçka, nuk më prishet puna; nuk më ftohet pilafi; nuk më bëhet vonë; nuk më prishet gjiza iron. thjeshtligj.; aq më bën! (Humbi) si fasulja në vegsh (dikush a diçka) humbi pa gjurmë, s’u pa më, nuk dihet ku është; i humbi (iu shua) fara (dikujt a diçkaje). Ziejnë fasulet në diell (diku) bën shumë vapë, është shumë nxehtë; piqet veza në rërë; merr kashta flakë; bën miza bëz. Zien si *poçi me fasule (dikush).

LAKURIQ

LAKURÍQ,~II m. sh. ~Ë, ~ËT zool. 1. (lat. Pipistrellus pipistrellus, Vespertilio) Lakuriqës. Lakuriqi i natës. Kishte diçka prej lakuriqi të natës kur shikonte me mëri, por bëhej shumë më ngjethës kur përpiqej të qeshte.
2. Pjesë e parë e emërtimeve të pathjeshta për disa lloje lakuriqësh. Lakuriqi i artë (lat. Myzopoda aurita). Lakuriqi i bananes (lat. Pipistrellus nanus, Mysonycteris harrisoni). Lakuriqi bishtlirë (lat. Talarida teniotis). Lakuriqi bishtshkurtër (lat. Carollia perspicillata). Lakuriqi bulldog (lat. Noctilio labialis). Lakuriqi dyngjyrësh (lat. Vespertilio murinus). Lakuriqi feçkëgjatë (lat. Rhynchonycteris naso).

NANUQ

NANÚQ,~I m. sh. ~Ë, ~ËT anat. (lat. Reticulum) Pjesa e dytë e stomakut të kafshëve ripërtypëse, që e ka faqen e brendshme hoje-hoje, aliver.
✱Sin.: aliver, porrc, nanus, natnuse, natnusëz, natnussh, sporrc, pordhc.

NATNUSE

NATNÚS/E,~JA f. sh. ~E, ~ET anat. Nanuq, aliver.
✱Sin.: porrc, nanus, natnusëz, sporrc, pordhc.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë