Fjalori

Rezultate në përkufizime për “namusqar”

Mëso si ta përdorësh
<<< Kthehu te kërkimi kryesor në fjalor

NAMUSLI

NAMUSLÍ,~E mb. Që ka nder, moral, i turpshëm; namusqar. Mbahej për e sertë dhe namuslie.

NAMUSLI

NAMUSLÍ,~U m. sh. ~NJ, ~NJTË Ai që ka nder e moral, ai që është i turpshëm, namusqar. Kishte një namusli për djalë. Namuslinjtë shqiptarë hidhnin valle.

NAMUSQAR

NAMUSQÁR,~E mb., vjet. Që e ruan shumë nderin, që është me cipë, i ndershëm; që gëzon një emër të mirë në shoqëri. Plak (njeri) namusqar. Familje namusqare. Nuse namusqare. Blerës namusqarë. Ku e gjen ajo një burrë aq namusqar!
✱Sin.: i ndershëm, i nderuar.

NAMUSQAR

NAMUSQÁR,~I m. sh. ~, ~ËT Ai që e ruan shumë nderin, ai që është me cipë, i ndershëm; ai që gëzon një emër të mirë në shoqëri. Nuk shquhet për ndonjë namusqar. Namusqarë që nuk e pranojnë dot realitetin. Namusqarë të sertë.

NDERSHËM

NDÉRSH/ËM (i), ~ME (e) mb. 1. Që vepron në përputhje me moralin e normat e shoqërisë, që sillet dhe punon me nder, me drejtësi e me ndërgjegje; kund. i pandershëm. Njeri i ndershëm. Qytetar i ndershëm. Nëpunës të ndershëm. I ndershëm gjer në thembër.
2. Që bëhet duke punuar me nder, me drejtësi e me ndërgjegje; që përshkohet nga qëllime të drejta e të pastra, që shpreh drejtësi e çiltëri. Punë (sjellje) e ndershme. Qëndrim i ndershëm. Qëllime (synime) të ndershme. Me rrugë të ndershme. Proces i ndershëm.
3. Që përputhet me ligjet e ndershmërisë, të detyrës, të virtytit; që është i pastër moralisht; i pacenuar, i panjollosur. Vajzë (grua) e ndershme. Familje e ndershme. Njerëz të ndershëm. Të qenët i ndershëm.
✱Sin.: i ndërgjegjshëm, i virtytshëm, shpirtdëlirë, zemërbardhë, i ndermë, zemërartë, zemërdëlirë, i dëlirë, zemërpastër, i sjellshëm, zemërflori, zemërhapur, i sinqertë, faqelarë, qëllimmirë, fillmirë, fisnik, esnaf, i drejtë, i paanshëm, i çiltër, i pastër, besnik, i pacenuar, i panjollosur, namusqar.

NDERSHËM

NDÉRSH/ËM, ~MI (i) m. sh. ~ËM, ~MIT (të) Ai që vepron në përputhje me moralin e normat e shoqërisë, ai që sillet dhe punon me nder, me drejtësi e me ndërgjegje; ai që është i pastër moralisht; i pacenuar, i panjollosur; kund. i pandershëm. I ndershmi e nderon të ndershmin. I ndershmi shihet qartë kur flet. Tani na dalka më i ndershmi!
✱Sin.: i drejtë, namusqar.

NDERTË

NDÉRTË (i, e) mb., vjet. Që është i nderuar; i nderuar.
✱Sin.: i nderuar, i respektuar, i përfillur, i çmuar, i shquar, i lartë, i vlerësuar, i sjellshëm, fisnik, namusqar, zotëri, faqebardhë, faqelarë.

NDERUAR

NDERÚAR (i, e) mb. 1. Që nderohet nga të tjerët, që gëzon nderimin e të tjerëve; që çmohet e që vlerësohet nga të tjerët. Mysafirë të nderuar. Ndihet i nderuar. Punë e nderuar. Profesion i nderuar. Figura e nderuar e mësuesit. Vend i nderuar në shoqëri.
2. Përdoret para emrit të një njeriu, të cilit i drejtohemi me fjalë ose i shkruajmë një letër me nderim, në mënyrë zyrtare a gjysmëzyrtare. I nderuari mik! I nderuari zoti ministër... Shumë të nderuarit zotit... Të nderuar zonja e zotërinj! Të nderuar pjesëmarrës!
3. Që e ka kryer një punë mirë e me nder, faqebardhë. Dolëm të nderuar me punën tonë.
✱Sin.: i respektuar, i respektueshëm, i ndertë, i nderueshëm, i përfillur, i çmuar, i shquar, i lartë, i vlerësuar, i sjellshëm, fisnik, namusqar, zotëri, faqebardhë, faqelarë.

NDERUESHËM

NDERÚESH/ËM (i), ~ME (e) mb. Që është i denjë për t’u nderuar, që mund të nderohet. Poetin që bëri të nderueshëm gjakun shqiptar. E bëri të nderueshëm kombin.
✱Sin.: i ndertë, i nderuar, i respektuar, i përfillur, i çmuar, i shquar, i lartë, i vlerësuar, i sjellshëm, fisnik, namusqar, zotëri, faqebardhë, faqelarë.

NIQANLLI

NIQANLLÍ,~E mb., vjet. Që është krenar, që është namusqar. Çupkë niqanllie.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë