Fjalori

Rezultate në përkufizime për “namkeq”

Mëso si ta përdorësh
<<< Kthehu te kërkimi kryesor në fjalor

EMËRKEQ

EMËRKÉQ,~E mb. Që ka një emër të keq, që njihet për punë të këqija; famëkeq; kund. emërmirë. Një fragment nga libri emërkeq e autorit në fjalë. Ai kishte vdekur në burgun emërkeq të Burrelit. Këtë konstatim e ka bërë gazetari emërkeq. Në Konferencën emërkeqe të Ambasadorëve në Londër.
✱Sin.: famëkeq, famëzi, namkeq, emërlig.

FAMËKEQ

FAMËKÉQ,~E mb. Që është bërë i njohur për tiparet e tij të këqija, që e njohin të gjithë për të keq, që ka famë të keqe, që i ka dalë emri për keq. Kriminelë famëkëqij. Aleancë famëkeqe. Kriminelë famëkëqij.
✱Sin.: famëzi, namkeq.

FAMËKEQ

FAMË/KÉQ,~I m. sh. ~KËQÍJ, ~KËQÍJTË Ai që është bërë i njohur për tiparet e tij të këqija, e njohin të gjithë për të keq; ai që ka famë të keqe, i ka dalë emri për keq. Famëkeqi u pendua. Nuk fliste për famëkëqijtë.
✱Sin.: famëzi, namkeq.

FAMËZI

FAMË/ZÍ,~ZÉZË mb. 1. Famëkeq. Drejtues famëzinj.
2. si em. m. e f. Sipas kuptimit të mbiemrit.
✱Sin.: famëkeq, namkeq.

NAMKEQ

NAMKÉQ,~E mb. 1. Që i ka dalë nami i keq, famëkeq. Banditi namkeq. Fis namkeq.
2. si em. m. e f. Sipas kuptimit të mbiemrit. Tregonin me gisht namkeqin.

NAMZI

NAM/ZÍ,~ZÉZË mb. 1. Që është namkeq, me famë të keqe, famëzi. Ai njihet si namzi në të gjithë krahinën.
2. si em. Ai që është namkeq, famëzi. Namziu e pësoi keq këtë herë. Namziun nuk e mbështeti askush.

PALAVDISHËM

PALAVDÍSH/ËM (i), ~ME (e) mb., libr. Që ka synime të ulëta e që sjell pasoja të dëmshme; që përfundon me dështim e me turp, i turpshëm; kund. i lavdishëm. Rrugë e palavdishme. Sundim i palavdishëm. Betejë (luftë) e palavdishme. Vdekje e palavdishme. Fund i palavdishëm.
✱Sin.: i palavdi, i turpshëm, namkeq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë