Fjalori

Rezultate në përkufizime për “naive”

Mëso si ta përdorësh
<<< Kthehu te kërkimi kryesor në fjalor

ADOLESHENTE

ADOLESHÉNT/E,~JA f. sh. ~E, ~ET 1. Ajo që ka moshën ndërmjet fëmijërisë dhe pjekurisë, e re, vajzë, rinoshe. Dukej adoleshente. Kishte shenjat e adoleshentes.
2. fig. Vajzë e papjekur, naive, e padjallëzuar; vajzë pa përvojë jetësore. Ende me mendjen e adoleshentes.
✱Sin.: vajzë, vajzushkë, gocë, e re, rinoshe, rioshe, e papjekur.

GAXHORR

GAXHÓRR,~E mb. 1. Që shfaq sjellje ose mënyrë veprimi të ngathët, të çorganizuar, të pavëmendshme; që duket i plogët ose i trashë në të kuptuar. Ai është pak gaxhorr.
2. Që ka sjellje naive, të hutuar ose të çuditshme, që ngjan pak qesharak në sytë e të tjerëve. E bëri gaxhorr.
3. si em. Ai ose ajo që ka këto tipare; njeri i trashë, i hutuar, i pakordinuar, që i kupton gjërat ngadalë ose reagon me vështirësi. Sillej si gaxhorr.

LULUSHANE

LULUSHÁN/E,~IA f. sh. ~E, ~ET Ajo që është mendjelehtë, ajo që nuk i kap gjërat. Mos rri gjatë, qenka ai lulushani aty.
✱Sin.: mendjelehtë, kokëboshe, naive.

NAIV

NAÍV,~E mb. 1. Që është i patëkeq dhe i padjallëzuar, që mendon vetëm të mirën; që nuk ka përvojë nga jeta dhe për këtë arsye beson lehtë çdo gjë që i thuhet, që ka një besim të tepruar a të paarsyeshëm tek të tjerët. Njeri (fëmijë) naiv. Shikim naiv. Buzëqeshje naive. Turmat naive.
2. Që i shpreh mendimet me një tepricë thjeshtësie dhe çiltërsie, që tregon mungesën e përvojës nga jeta ose mungesën e njohurive. Pyetje naive. Mendime naive. Trajtim naiv i dukurive. Në mënyrë naive. Sa naiv që është, si fëmijë!
✱Sin.: i patëkeq, i padjallëzuar, i çiltër, i papërvojë, i thjeshtë, i parrahur.

NAIVISHT

NAIVÍSHT ndajf. Në mënyrë naive. E shihte naivisht. I besoja naivisht. Naivisht ra pre e intrigave të tij. Fëmijët bëjnë naivisht pyetjen ‘pse’. Buzëqeshi naivisht. U përgjigj naivisht.

NAIVITET

NAIVITÉT,~I m. sh. ~E, ~ET 1. vet. nj. Çiltërsi e natyrshme, mungesë djallëzie, të qenët naiv. Naiviteti i një fëmije.
2. vet. nj. Besim i tepruar te njerëzit a te çdo gjë që thuhet, i cili zakonisht vjen nga përvoja e paktë jetësore. Beson me naivitet. Naivitet i shtirur. Të tallesh me naivitetin e një shoku.
3. vet. sh. Fjalë ose mendime naive. Flet (thotë) naivitete. Naivitete rinore.
✱Sin.: çiltërsi, padjallëzi, çiltëri, thjeshtësi.

PADJALLËZISHT

PADJALLËZÍSHT ndajf., libr. Pa djallëzi; pafajshëm; në mënyrë naive.

TALLAVA

TALLAVÁ,~JA f. 1. nj. Zhanër muzikor argëtues i romëve të Kosovës dhe të Maqedonisë, i cili përzjen elemente të huazuara nga praktikat muzikore orientale të Ballkanit, të Turqisë e pjesërisht të vendeve arabe, me tekste të improvizuara në çast e me subjekte të rëndomta e naive nga jeta e përditshme. Këngëtar tallavaje. Këngëtar i tallavasë. I pëlqen tallavaja.
2. keq. Muzikë e nivelit të ulët, e cilësisë së ulët, muzikë pa kritere; këngë që shoqërohet me muzikë dhe që nuk ka vlera artistike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë