Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ANTINACIONÁL,~E mb. Që është kundër interesave kombëtare, që është kundër identitetit kombëtar ose vlerave të një kombi; jokombëtar; kund. nacional. Qëndrim antinacional. Fushatë antinacionale. Projekt antinacional. Media antinacionale. Krijime antinacionale.
✱Sin.: jokombëtar, antikombëtar, antikombëtarist, antinacionalist.
DEFAKTORIZÍM,~I m., libr. Veprimi kur defaktorizoj diçka; kund. faktorizim. Çështja e defaktorizimit. Defaktorizimi nacional-shtetëror. Synohej defaktorizimi përfundimtar i shqiptarëve.
KOMBËTÁR,~E mb. Që lidhet me kombin dhe me kombësinë, që i përket kombit dhe kombësisë; që shpreh veçoritë e një kombi a të një kombësie; mbarëkombëtar. Gjuha kombëtare shqipe. Ndërgjegje (ndjenja) kombëtare. Kultura kombëtare. Çështja kombëtare. Valle (veshje) kombëtare. Veçori (karakteristikë) kombëtare. Ka karakter kombëtar.
2. Që ka të bëjë me popullsinë e një vendi a të një shteti të caktuar. Konferencë kombëtare. Takim kombëtar. Kampion (kampionat, ekip) kombëtar (sport). Pakicë kombëtare popullsi e huaj në një shtet, ku shumicën e përbëjnë pjesëtarë të një kombi a kombësie tjetër.
✱Sin.: nacional, etnik, mbarëkombëtar, shtetëror.
NACIONÁLSOCIALÍST,~E mb., pol. Që ka të bëjë me nacional-socializmin, nazist. Partia nacional-socialiste.
NAZIFASHÍZ/ËM,~MI m. Ideologji dhe lëvizje politike që përbuz demokracinë liberale dhe sistemin parlamentar. Koha e nazifashizmit.
✱Sin.: nacional-socializëm, nazizëm, hitlerizëm.
NAZÍZ/ËM,~MI m. Fashizmi gjerman, forma më e egër e diktaturës që u vendos në Gjermani para Luftës së Dytë Botërore; formë fashizmi, që përbuz demokracinë liberale dhe sistemin parlamentar; nacional-socializëm. Nazizmi barbar (gjakatar). Fitorja mbi nazizmin. Çrrënjosja e militarizmit dhe e nazizmit. Luftuan kundër nazizmit. Periudha e nazizmit.
✱Sin.: nacional-socializëm, nazifashizëm, hitlerizëm.
PARTÍ,~AI f. sh. ~, ~TË 1. Organizatë njerëzish me bindje të caktuara politike, që garon në zgjedhje për të fituar vende në qeverinë lokale ose kombëtare. Parti politike. Parti demokratike. Parti demokristiane. Parti socialiste. Parti konservatore. Parti laburiste. Parti liberale. Parti republikane. Parti socialdemokrate. Parti e gjelbër. Parti e qendrës. Parti e qendrës së djathtë. Parti e qendrës së majtë. Parti e së djathtës. Parti e së majtës. Parti fashiste. Parti komuniste. Parti naziste. Parti nacionaliste. Parti nacional-socialiste. Parti marksiste-leniniste. Parti e së djathtës ekstreme. Parti e së majtës ekstreme. Parti popullore. Parti reformatore. Parti neofashiste. Parti neonaziste. Kongresi i partisë.
2. vjet. Grup njerëzish që i bashkon përkohësisht një qëllim i caktuar; palë; secili nga grupet që marrin pjesë në një lojë. U ndanë dy partish. Partia e parë mundi të dytën.
SHTRÉS/Ë,~A f. sh. ~A, ~AT 1. kryes. sh. Dyshek a rrobë tjetër që shtrojmë poshtë për të fjetur; qilim, shkorsë a diçka tjetër që shtrojmë për të ndenjur a për të zbukuruar dhomën. Shtresa e mbulesa. Ngre (shkund) shtresat.
2. Kashtë, gjethe, fier etj. që u shtrohet bagëtive për të ndenjur ngrohtë e pastër dhe për të shtuar plehun; shtrojë. U vë shtresë lopëve.
3. Lëndë e shtrirë, me sipërfaqe të gjerë dhe me trashësi të ndryshme, që është e shtruar mbi diçka, mbulon diçka, është si pjesë e diçkaje ose qëndron midis dy sipërfaqesh, duke u puqur me to. Shtresë e hollë (e trashë). Shtresë e butë (e fortë). Shtresa e parë (e dytë, e tretë...). Shtresa e sipërme (e poshtme). Shtresa e brendshme (e jashtme, e mesme). Shtresat e larta të atmosferës. Shtresa e sipërme e rrugës. Shtresa pjellore e tokës. Shtresë bore (akulli). Shtresë pluhuri. Shtresë metali (ari, argjendi, gome). Shtresë betoni (suvaje). Shtresë dheu (plehu, rëre, zhavorri, gurësh, druri). Shtresë dylli. Shtresë gjalpi (dhjami, kremi). Shtresa e bojës (e gëlqeres).
4. gjeol. Masë shkëmbi, minerali a lënde tjetër, me përbërje pak a shumë të njëjtë e me trashësi të ndryshme, që shtrihet si një brez i gjerë ndërmjet lëndësh të tjera në koren e tokës. Shtresë gjeologjike. Shtresë e pjerrët (horizontale). Shtresa të pasura. Shtresa hekuri (gjipsi, qymyri). U zbuluan shtresa të reja.
5. Pjesë e një klase shoqërore ose grup njerëzish me gjendje shoqërore të njëjtë, që kanë po atë nivel jetese e shkallë kulture dhe pikëpamje pak a shumë të njëjta; grup shoqëror. Shtresë shoqërore. Shtresat e gjera të popullit. Shtresat e ulëta (e larta). Shtresë e varfër (e mesme, e pasur). Shtresë e privilegjuar. Njeri i shtresës. bised. njeri me prejardhje nga shtresat e varfra të shoqërisë shqiptare përpara Çlirimit, që u lidhën me Luftën Nacional-Çlirimtare dhe me pushtetin popullor.
6. arkeol. Brez toke në thellësi, që përmban sende të një periudhe të caktuar historike. Shtresë kulturore. Shtresë homogjene (e përzier).
7. gjuh. Grup fjalësh në përbërjen e fjalorit të një gjuhe a të disa gjuhëve, që kanë veçori të përbashkëta stilistike, prejardhje të njëjtë etj. Shtresë leksikore (stilistike). Shtresa indoevropiane.
♦ Hedh një shtresë (një *brez).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë