Fjalori

Rezultate në përkufizime për “nëpërkëmbje”

Mëso si ta përdorësh
<<< Kthehu te kërkimi kryesor në fjalor

NDËRKËMBJE

NDËRKË́MBJ/E,~A f. sh. ~E, ~ET 1. Pengore që i vihet kalit në këmbë, ndërkëmbëz.
2. Vendi ku vihen këmbët në tezgjah për të lëvizur liqtë.
3. fig. Mjet për të penguar diçka, pengesë. I gjeti (i krijoi) një ndërkëmbje. Ndërkëmbje e njollosje të njëri-tjetrit.
4. Keqtrajtim, shkelje, marrje nëpër këmbë, nëpërkëmbje.
✱Sin.: pengore, pengesë, nëpërkëmbje, stërkëmbës.

NËPËRKËMBJE

NËPËRKË́MBJ/E,~A f. sh. ~E, ~ET Veprimi kur nëpërkëmb ose kur nëpërkëmbem. Nëpërkëmbja e të drejtave (e interesave). Nëpërkëmbjet dhe poshtërimet. Nëpërkëmbja e dinjitetit. Iu duk një nëpërkëmbje e pafalshme.
✱Sin.: shkelje, shpërfillje, ndërkëmbje, përbythje, shpërbythje, sukullim, përshkardhje.

PËRSHKARDHJE

PËRSHKÁRDHJ/E,~A f. sh. ~E, ~ET 1. Veprimi kur përshkardh ose kur përshkardhem.
2. Nënshtrim, robërim, Nëpërkëmbje.

SUKULLIM

SUKULLÍM,~I m., bised. 1. Veprimi kur sukulloj a sukullohem. Kishte përfunduar sukullimin e të gjitha sendeve personale.
2. Rrokullisje e diçkaje a dikujt si lëmsh. E shihte nga larg sukullimin e kafshës së gjorë.
3. fig. Nëpërkëmbje. Nuk mund ta pranonte më këtë sukullim të padrejtë.
✱Sin.: mbështjellje, rrokullisje, nëpërkëmbje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë