Fjalori

Rezultate në përkufizime për “nënvizuar”

Mëso si ta përdorësh
<<< Kthehu te kërkimi kryesor në fjalor

NËNVIZOHET

►NËNVIZ/ÓHET jovep., ~ÚA (u), ~ÚAR pës., vet. v. III e NËNVIZÓJ. Nënvizohet me të kuqe. Frazat e fundit ishin nënvizuar. Nënvizohet me forcë. Siç nënvizohet në shkresë (në vendim).

NËNVIZOJ

NËNVIZ/ÓJ vep., ~ÓVA, ~ÚAR kal. 1. Heq një vijë nën një fjalë ose nën një rresht të shkruar. Nënvizoj me laps të kuq. Nënvizoj një fjalë (një fjali, një paragraf).
2. fig. Vë në dukje diçka në mënyrë të veçantë; tërheq vëmendjen e dikujt mbi rëndësinë e diçkaje duke e sqaruar më mirë; theksoj. Nënvizoj rëndësinë e diçkaje. Artikulli nënvizonte se... Nënvizoi nevojën për ndryshim. Dëshiroj të nënvizoj. Duhet nënvizuar se...
✱Sin.: theksoj, mëshoj.

NËNVIZUAR

NËNVIZÚAR (i, e) mb. Që është nënvizuar (për fjalët ose faqet e një shkrimi), që është e shënjuar me një vizë poshtë për ta vënë në dukje, për ta theksuar; kund. i panënvizuar. Fjalët (pjesët) e nënvizuara. Kam të nënvizuara të gjitha qëndrimet e kolegëve. Ndër tetë parimet e nënvizuara. E nënvizuar “konfidenciale”.

NËNVIZUES

NËNVIZÚES mb. 1. Që shërben për të nënvizuar diçka në një tekst. Lapsa nënvizues. Marker nënvizues.
2. fig. Që vë në dukje diçka në mënyrë të veçantë; që tërheq vëmendjen e dikujt mbi rëndësinë e diçkaje duke e sqaruar më mirë; theksues. Rrëfimi bëhet nënvizues e provokues. Momenti nënvizues i rrezikshmërisë së injorancës.

NËNVIZUES

NËNVIZÚES,~I m. sh. ~, ~IT Mjet që shërben për të nënvizuar diçka. Nënvizues me ngjyra të ndryshme. Nënvizues i lëngshëm. Nënvizues për dërrasë të bardhë.

NËNVIZUESHËM

NËNVIZÚESHËM ndajf. Në mënyrë të dukshme, duke theksuar a duke nënvizuar diçka. Letërsia është e theksuar nënvizueshëm me karakter social. Ata nënvizueshëm mbështetën edhe njërën nga temat.

PANËNVIZUAR

PANËNVIZÚAR (i, e) mb. Që nuk është nënvizuar (për fjalët ose faqet e një shkrimi); kund. i nënvizuar. Fjalë (sintagma, fjali) të panënvizuara.

SKENË

SKÉN/Ë,~A f. sh. ~A, ~AT 1. Pjesa e ngritur e teatrit ku luajnë aktorët e valltarët, ku këndojnë këngëtarët etj. Artistët dolën në skenë. I kishte munguar skena dhe duartrokitjet e publikut.
2. Tërësia e dekoreve që paraqitin vendin ku zhvillohet veprimi i një pjese teatrale. Kishin ndërtuar një skenë rrotulluese. Prezantuesi hyri (u ngjit, doli) disa herë në skenë. Ngjarja e vërtetë po zhvillohej prapa skenës (fig., keq.) fshehurazi, pa e marrë vesh të tjerët, prapa krahëve.
3. fig. Veprimtari në lëmin e artit dramatik; veprimtari në teatër. Mjeshtrit e skenës morën nderimet e merituara. Vuri në skenë pjesën e parapëlqyer e përgatiti një shfaqje dhe e dha.
4. teatër. Nënndarje e një akti gjatë së cilës luajnë të njëjtët personazhe; episod i veçantë i një drame, i një vepre tregimtare etj.; një ngjarje, një pamje nga natyra etj., që paraqitet në një vepër arti, në një film, në një emision etj. Në skenën e tretë të aktit të dytë kishte shumë figurantë. Ishte një skenë e vështirë për t’u realizuar. U gjend në mes të një skenë komike.
5. Episod i një vepre tregimtare, liriko-epike etj.; ngjarje, pamje nga natyra etj., që paraqitet në vepër arti, film, emision etj. Skenat e filmit ishin realizuar shumë mirë. Kishte nënvizuar shumë skena prekëse të tregimit (të romanit). Pikturë me skena imagjinare.
6 Ngjarje e jetës që zhvillohet para syve tanë; pamje. Ishte një skenë mallëngjyese (e papëlqyer).
7. fig. Tërësia e kushteve dhe e rrethanave në të cilat zhvillohen ngjarjet politike, shoqërore etj.; arenë: U largua nga skena politike.
✱Sin.: kuadër, shesh, pah, dukje.
♦ Doli në skenë (dikush) libr. u shfaq, u duk; u bë i rëndësishëm, nisi të shquhet a të veprojë; kund. doli (u largua) nga skena. Doli (u largua) nga skena (dikush) libr. iku, u zhduk; nuk ka më vlerë, nuk është më i rëndësishëm; nuk shquhet a nuk vepron më; kund. doli në skenë. Nxjerr në skenë (dikë a diçka) libr. e bëj të njohur për të tjerët, e vë në veprim; e bëj dikë të duket a diçka të përdoret. Punon prapa skenës (dikush) libr. keq. vepron fshehurazi nga sytë e botës, pa e marrë vesh të tjerët; punon nën rrogoz.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë